Traditional
Konkani Prayers of the Holy Rosary
Santa Khursachi Kuru
Santa Khursache X curven, / nivar amkam X amchea Deva, / amcheam X dusmanantle. / Bapache Navim ani Putrache X ani
Spirita Santache. Amen.
Sotmandtam
Sotmandtam Deva Bapa Sorv-Hucumdara, Sorga ani pritumichea Rochnnara, / ani Jesu
Christa, Devachea Êkleach Putra, amchea Dhonia ; / Zo Spirita Santa vorvim
gorb somboulo, / Ankvar Moriêche kuxint zolmolo ; / Poncio Pilata khal
upodre-coixt sonslet, khursar zoddlo, melo ani nikhipilo ; Libant deunlo,
tisrea dissa meleleantlo jivont zalo ; / Sorgar choddlo, Sorv-Hucumdara
Deva Bapachea uzvea hata bosla ;/ thuim than ietolo jiveam ani meleleanchi
mun’subi corunk,/ Sotmandtam Deva Spirita Santa, / Santa Igorz Catholc,
Bhogtancho Ectar , / patkanchem bogsonnem ; / cuddichem
jivontponn ; / Ogonnit jinn. Amen.
Amchea Bapa
Amchea Bapa, Tum Sorgar assai, / Tujêm Nanv Vodd
zaum, / Tujêm Raj amkam ieum, / Tuji
khoxi, zoxi Sorgar zata, toxi sounsarant zaum.
Amcho dispotto guiras aiz amkam di,/ ani amchim patkam bhogos, zoxe amim amcher
chucleleank boghxitaum, / ani amkam tallnent poddunk divun naka, / punn amkam
vaitta-vignantle nivar. Amen.
Noman Moriê
Noman Moriê, curpen bhorlele,/ Dhoni Dev Tujê thaim assa, / ostoream bitor Tum
Sodovi,/ ani Sodoiv foll Tujê cuxichem, Jesu.
Santa Moriê, Devache Maiê, /amim papiam khatir vinoti kôr; / atam ani amchea mornachea
vellar. Amen.
Onod
Bapak
Onod Bapak, ani Putrac X ani Spirit Santac / Zosso adim/ tossoch atam, / ani sodam sorvotam. Amen.
Fatima Saibinnin xicoilam tem Magnnem
(Dor-eca khonna uprant)
Ah ! Mojêa Jesu,/ bhogoss amcam/nivar amcam emkondhantlea ujeantle/ani vor Sorgar, soglleam
otmeanc/bhou corun chodd goroz assul’leanc.
Sorv-Vornitaum
Sorv-Vornitaum Tuca Ranniê, Cacutiche Maiê, / Tum amchem jivit, ambrut ani bhorvanso, / Tuca
Sorv-vornitaum. / Amim pordexi Evechim ballcam, / hea dukhanchea conndant
astanam, / ascar ani suscar soddun, rudan corun Tuca prartitaum. / Tor Tum
amche Xeratini, te Tujê cacutiche dolle amche voir porot ghê Maiê. / Ani hea
pordessa uprant, / Tujê kuxichem suffoll foll, Jesu, amkam dakhoi. / Êh Xanti,
/ Êh Convalle, / Êh Dulobi, Sodanch Ankvari Moriê. / Vinoti kôr amche passun Bhagivont
Devache Maiê, / amkam favo zauncheak Jesu Christan bassailam tem. OXEM ZAUM.
XEUTTACHIM
MAGNNIM
Antifona: Tujêa asrea khal amim rigtaum, Êh Bhaghevonti Maiê Devache,
beporva Tum corinaca amcheam magnneanchi amcheam ghorzamnim, pun nivar amcam
sodanch, sorvoi vignantle. Êh Sodanch Onodvonti ani sodoiv Ankvari, amche
Saibinni, amche Modestini, amche Xaratini, ecvott amcho cor Tujêa Putra laguim,
ghal iec Tujêm mogal utor amche khatir, Tujêa Putra mukhar; ani Za Tum Tachea
sangata amchi Xaratin.
V.
Bhov Povitr Ruzarichê Ranniê, amche passun mag.
R.
Cristacheo bassaunneo amcam favo zauncheac.
Prartum-ia
Êh Deva, jednam Tujêa Ecleach Putran Aplea jivita, mornam ani jivontponna vorvim,
sasnnache bhaguichim follam zoddun dovorleant ; magtaum Saiba amim Tujê
laguim, nirmi mhunn amim niallun he Mister Bhaguevonti Ankvar Moriêche, Bhou
Povitr Ruzariche, tantum at-thaplelem assa tachi dekh amim gheunc ani
bhassailelem assa tem amcam mellunc. Teach Jesu Crista amchea Donia vorvim.
OXEM ZAUM.
Têrs
mhunnon somp’lea uprant, sonvoim amcheam gharamnim, vhochunc voddilam mukhar,
tanchem bessaum gheunc, mhunnun:
Deu bori rat
somestanc dium,
Assul’leanc
bolaiki ani curpa;
Meleleanc
sasnnachem suc.
POVITR HOR
Ami hangasor ek vhoddli famil koxi
‘Porom-Sonvskarachim bhurgim, akho sonvsar bhor magnnem kortat’ tea kariakramak
ekttaim zaleanv magnnem korunk St. Francisco bhaxen zaka chodd mog aslo
‘Liplolea Jezucho’ (Santism-Sacramentacho). Ami korteleanv magnnem, nomoskar,
patkachem prachit, dhin’vasnni amchea Soddvonnara Jezu mukhar zo Kuddin,
Rogtan, Atmean ani Devponnan hanga hajir asa.
Gaion: R-31
1.
Atam ami prachitachem/farikponnachem ani bhogsonneachem magnnem korteleanv jem xantichea
anj-bhoddvean Fatimachea tegam 6, 7 ani 8 vorsamchea rakhnnea
bhurgeank xikoil’lem.
Xantichea anj-bhoddvean xikoil’lo ters: (Imprimatur - English version:
Cardinal of Cebu Archdiocese Philippines, His Excellency Ricardo J.Cardinal
Vidal)
Ho ters Jezuchea panch ghaveank
bhettoila. 10 pautti tornatteam pasot, je magnnem korinant, tanche pasot ami
magtanv. Tersachem kont gheun tersache panch khonn kortat toxem to ters korcho.
· Amchea
Bapa mhonnche suvater xantichea anj-bhoddvean xikoil’lem prachitachem magnnem
korchem:
“Bhou Povitr Trindadi, Bapa, Putra ani Spirit Santa, sorpott poddun hanv
tuka nomoskar kortam ani Tuka bhettoitam akhea sonvsarantleam tabernaklamnim
astea Jezu Kristachi Kudd, Rogot, Atmo ani Devponn diuncheak farikponn
bemananchem, sakrilejanchem ani befirinchem jim Tuka opmanaitat, ani Tachea
bhou Povitr Kallzachea ogonnit punneam khatir ani Moriechea Khotavinn Kallza
vorvim babddeam patkeanchem konversanv hanv poratun magtam”.
1
· Noman
Marie mhonnche suvater, nomoskarachem magnnem korchem:
Mhojea Deva hanv sotman’tam, nomoskar kortam, bhorvanso dhortam ani hanv
Tuzo mog kortam.(10 pavtti).
· Santa
Maria mhonnche suvater bhogsonneachem magnnem korchem:
Hanv bhogsonnem magtam je konn Tujer bhavart dhorinant, nomoskar korinant,
bhorvanso dhorinant, nhoim mhonn Tuzo mog pasun korinant. (10 pavtti).
· He
porim panch khonn mhonnlea uprant khobar kortanam mhonnchem:
Povitr Deva, Povitr Sorvpodvedara, Povitr Mornnavinn, amchi ani sogllea
sonvsarachi kakut kor.
Portugalachea Rakhnnea Bhoddveachi Bhasavnni
Sogllea vostumni teag kor, ani tem teagi jivit
Devak bhettoi patkachea farikponnam khatir ani patkeanche novsornne khatir,
kiteak patkam adharun ami Devak okman kela. Hea vorvim tum tujea desant
xanti haddtoloi.
2. Jezu sonvsarant aslo tednam, bhurgim
taka kherit apurbaiechim aslim, lok bhurgeank Jezu-xim haddtalo ani Jezu tankam
apnnam bhovtonnim ekttaim korun mhonttalo. “Bhurgeank mhoje-xim ieum-di tankarn
addainakat. Devachem raj tanchem………. “(Lk.18,16). Maneavont Franciscak ek
nomuno korun ami
‘Liplolea Jezuk’ buzvonnechem magnnem sobar pautti korum-ia khuxalkai ani
sovastai haddunk, vaittacher zuzum, Povitr Atmeachea bollan.
3. Amchim Magnnim
Timotak bhoroilole chittint dusrea avesvorant oxem mevta - “Poile svater hanv
magtam tumche lagim, Deva mukhar 2 tumchim prarthonam, dhin’vas, magnnim ani
otrek dhovrat somestam khatir.
Tumcho zobab: “Bapa, amchem magnnem aik”.
i. Amchea
Pap Saiban, Benedikt XVI, Bispan, Filipe Neri Ferrao, soglle
sonvsarantle Bisp, padri, madri ani ier dhormik fuddariamni aple karia
soglle umedin ani zobabdaren pallear puro mhonn Deva lagim magum-ia.
ii. Amchea
rajki fuddarearmnim sodanch nitin, sotan ani prormanikponnan
aplo vavr korunk Deva lagim magum-ia.
iii. Je
konn zhogddim, vad-vivad, jiv-kaddop ani gorb-patt oslem vaitt adartat
tannim aplem jivit bodlunk Deva lagim magum-ia.
iv. Je konn
athm-ghat, zantteanchi beporva, akantvadi ani her torechea vaittant asat,
tannim aplem jivit bodlunk Deva lagim magum-ia.
v. Je
konn soreak, cigrettink, gunngi-vokdanche gulam zaleat tannim te soglle
noxtt soddun diunk Deva lagim magum-ia.
vi. Porom-Sonskarachim
bhurgim ekach vellar sogllea sonvsar-bor magnnem kortat ani hem devosanv fuddem
vhortat, hea vorvim noxtt nopoit korun
xanti ani jivitachi sonskrutai fuddem vortat tanche pasot Deva lagim magum-ia
Thoddo vell ogich ravun, Porom-Sonvskarant hajir aslolea Jezu mukhar amchim khasgi magnnim ani gorzo dovrum-ia. 3
HOLY ROSARY: Pope Pius XI granted
a plenary indulgence for the recitation of the Rosary in the presence of the
Most Blessed Sacrament
4. Xevottachem Magnnem: Somia Jezu, Tuje mukhar ami magnnean vell sarla.
Amcho bhavart jivo dovor, to porzollit kor, amkam Tuji kakut ani kurpa favo
kor.
Marie, Porom-Sonvskarache Maie ami tuka argham ditanv tuvem amkam
Fatimachea tegam rakhnnea bhurgeam vorvim dil’lea sondexa khatir.
Atam ami dimbier poddun axirvad gheunk toiar zaum-ia
nomoskarachem/dhin’vasnnechem git gheun.
Gaion: R-35 Amchea Bapa, Noman
Morie, Onod Bapak ...
Devachi Vakhanni
Sodoiv
zaum Dev,
Sodoiv
zaum Devachem Bhou Povitr Nanv,
Sodoiv
zaum Jezu, niz Dev ani niz Monis,
Sodoiv
zaum Jezuchem Nanv,
Sodoiv
zaum Jezuchem Bhou Povitr Kalliz,
Sodoiv
zaum Jezuchem Bhou Amolik Rogot
Sodoiv
zaum Jezu Bhou Povitr Sacramentant Altaravelea
Sodoiv
zaum Dev Spirit Sant Buzvonnar,
Sodoiv
zaum vhodd Devachi Mai, bhou Bhagevont Marie,
Sodoiv
zaum Mariecho Povitr ani Khotavinn Gorb-Sombhou,
Sodoiv
zaum Mariechem Onodvont kuddi-atmea soit Sorgar vhorop,
Sodoiv
zaum Mariechem Nanv, Ti Ankvar ani Mai,
Sodoiv
zaum Bhagevont Jose, Mariecho Bhou nirmoll Poti,
Sodoiv
zaum Dev, Tacheam Bhoddveam ani Bhoktam thaim.
4
Mariechea Khotavinn Kallzak Diosezichem / Firgojechem
Somorponn
Noman, Fatimachê Ankvari, Devachê, Povitr Sobhechê
ani amchê Maiê, Sorga-sonvsarachê Ranniê, Patkeanchea Asrea, aiz ami vhoddê
khoxên amchi Gõy-Damanvchi Diosez ani hi amchi (.............................)
Firgôz tujea Khotavinn Kallzak somorpitanv.
Ami tuka somorpitanv Filipe Neri Ferrão amchea
Arsebispak, N. ………………. amchea PADR VIGARAK ani her sogllea Padrink ani
Madrink jim amche Diosezint (ani hea ganvant) amchea kuddi-otmeachea
gorzam pasot bharim vavurtat. Bhou mogall Maiê, tankam soglleank tujea Kallzant
bhitor ghe. Tim disandis tujea Puta Jezu sarkhim zai-xim kor.
Oxem, tim apleam utramni ani chalint khorinch Jezuchim pattlavdaram
mhonn bhavarteank toxem onbhavarteank sakxi dium.
Ami tuka somorpitanv amchea ZANTTEANK. Tunch
tanchea matharponnacho asro, tanche osoktaiechem boll ani tanchea piddanchem
okot. Aplê piraiechem vozonn Kristi sosnnikaiên vhorunk tankam adar di; oxem,
Devachea mogan vaddon, tim tornnatteank dekh zaunk pavum, ani ek
dis tujea Putak zai tednam ani zai toxem aplem sasnnik daiz zoddunk tankam favo
kor. Aplo dispotto khuris vhorunk tankam tuzo adar di, Maiê; oxem tujea
Putachea sarkhean tim vaddot vochum.
Ami tuka somorpitanv amcheam KAZARI ZODDIANK. Tanchea
jivita bhesant kitleô ani kedeô oddchonneô uprastat teô tuka thaveô; Maiê
mogallê, Devachê somurtiche kaide tannim pallcheak tankam tuzo uzvadd ani
ghottai di ani aplim bhurgim-ballam Devachea hatantlim dennim mhunn manun
gheun, tankam zannvaien ani kurpen vaddounk tuzo adar tankam di, Maiê.
Ami tuka somorpitanv AMCHEA PIDDEST
BHAVAM-BHOINNINK: Tanche koxtt ani atte-vitte tum vollkhotai; Kristi
sosnnikaiên ani bhorvanxean tannim aple koxtt-dogd tolli-xe kor ani, Devachi
khoxi zalear, bhov mogall Maiê, tankam ilaz rokddoch mellum ani bori bolaiki
tankam portun favo zaum.
Ami tuka somorpitanv amchea TORNNATTEANK: tanchi
hurba, tanche anvdde ani sopnam tum vollkhotai: toxench tum zannaim tanche
proxnn ani atanchea kallachim avhanam ani tallnneô (drugs,
mellim pustokam, vaitt cholchitram, vaitt sombond, adi). Tankam heam
soglleam vignnantlim vattai ani tujea manta khal tankam samball. Sorginchê
Maiê, tankam Devan nirmilolem apovnnem konn tem tannim sodun kaddunk ani mandun
gheunk tankam kurpa di; oxem tim Povitr Sobhek ani Desak man
haddtat toslim nagrikam zaunk pavtolim.
Ami tuka somorpitanv amchea LHAN BHURGEANK:
Bautizman tankam dil’lo niropradh tannim ibaddina zaunk tankam adar di ani
Kristachê somurti pormannem tankam lhan-vhodd korunk amkam soglleank uzvadd ani
ghottai di.
Xevttim ami tuje adin kortanv SOGLLEA LOKAK
je amchê Diosezint ani hea ganvant ravtat. Tanchê modlim thoddim-bhov
azun-ui tujea Putak aplo Soddvonddar mhonn mandun ghenant. Tanchê vixim
Devachi ievzonn kitem ti tankam kolloi ani tannim-i veginch, ekêch familiche
vangddi ani ekach hinddacheô xelliô koxeô, Bapachea ghorant aplo zago
gheum-so kôr.
Bhou mogall Maiê, hem amchê Diosezichem ani
Firgojechem somorponn mandun ghe, ani tujê vinovnnen, Jezun purnnponnim
hê amchê firgojechêr raj choloi-xem kôr, raj sotachem ani devjivitachem, raj
bhagevontponnachem ani kurpêchem, raj nitichem, mogachem ani sovosthaiêchem.
Ani tujea Fatima disnneak xembor vorsam bhortanam, tujeach hatantlean ghetlolea
uzvaddan, ami Dhonia Devak mhoima diunk pavum sasnnachea sasnnak. Amen.
CP/1103/2017
Chhapum-ieta
Arsebispachem
Ghor,
Ponnje,
Gõy, 10.03.2017
Sd/-
( +
Filipe Neri Ferrão)
Gõy-Damanvcho
Arsebisp
Avoi
ani Ranniê Mariek Zonn Ekleachem
Dispottem Orponn
(Bhag.
Louis De Montfort-hannem ghoddlolem)
Nixkollonk Maiê, hanv,
N.……., unnea bhavartacho patki (unnea bhavartachi patkinn) -- mhojeô
Bautismacheô Bhasavnneô tujea hatantlean novsortam ani thiraitam; hanv sasnnak
devcharak, tachea dobajeank ani tachea kamank fatt kortam; ani mon’xea-soimb
ghetlolê Zannvaiêk, Jezu Kristak, sompurnnaiên mhoji bhett kortam, jivit bhor Tachê
fattlean mhozo khuris vhorunk ani adlea poros odik Taka visvaxi ravunk.
Sorginchea dolbhara mukhar
hanv tuka mhoji Avoi ani Ranni mhunn venchun kaddtam. Tuzo chakor koso (Tuji
chakorn koxi), mhoji kudd ani atmo, mhojê lagim asa titlem-i ani mhojea boream
kornneanchem adlem, atanchem ani fuddlem mol legun tujê suvadin kortam; Devachê
vortê mhoimê khatir, kainch addainastanam, mhojê vixim ani mhojê lagim asa ani
nam tachê vixim, tuka zai toxem korunk tuka purai ani sogllo odhihar ditam,
atam ani sasnnak. Amen.
Jezuchea Omolik Rogta, amchem taronn kor!
Jezuchea Povitr Kallza, amchi kaklut kor!
Nixkollonk Kallza Mariechea, amchê pasot mag!
Mariechea Nixkollonk Manta, amchi rakhonn
kor!
Bhavevont Juze, amchê pasot mag!
Bhagevont Fransisk Xaviera, amchê pasot mag!
Bhagevont Juze Vaza, amchê pasot mag!
Soglleamnim
– bhov korun avoiamnim – dor disa apleam bhurgeank, ek-ekleachem nanv kaddun,
Mariê amchê SorginchêAvoik orpunk vavurchem. Ti tankam samballtoli,
karonn ti akhea moniskullachi Avoi!
CP/1133/2017
Chhapum-ieta
Arsebispachem
Ghor,
Ponnje,
Gõy, 10.03.2017
Dev Kakutichem Devosanv
Dev Kakutichem Devosanv Faustina-Kowalska, hê Poloni
madrin survatek aplea ganvant porgottlem. Pap Saib Juanv Paulu II hannem
Madr Faustinak altaracho man favo kelo ani Dev- Kakutichi Porob Igorjent
sthapunk formailem. Hi porob Jezunuch Madr Faustinakodde magloli.
Tea adim 12vea xekddeant Jezun Bhoktivont Juliana
kodde aplea Kuddi-Rogtachi (
Jezun amkam, San Faustina vorvim aplea kakutiche
5 upai dovorleat (The 5
essential elements of Divine Mercy)
a) Poilo upai – Chitr (Devacho Rupkar) Jezun madr
Faustinak sanglem: “Tuvem pollelam tea pormonne chitar ani sokla him utram
boroi: “Jezu, hanv tujer patietam”. “Mhaka zai hea chitrak poilo tumchea
kopelant man dilolo ani uprant soglea sonvsarant”.
Hea don torechea kirnanchi somzonni Jezun madr Faustinank dili: “Kirnam hea
chitracher dakoitat rogot ani udok jim Mhojea kallzantlim kakutichi zor koxi
vanvlim, jedna khursar eka balean Mhojem Khontiborit kalliz vidarlem. Tor
tambddim kiranam Jezuchem omollik rogot jem vortovta otmeanchem jivit zalear
dovim kirnam dakoitat udok jem duvun kaddta amcho otmo. Him kirnam samballtat
munxeak mhojea Bapachea ragantlo. Zo konn heam kirnanchea asrea khal jieta to
khorench sukhi kiteak thoim kednanch Devache niticho hat pavchona. He imaji
vorvim hanv monxank sabar dennim ditolom” mhonn Jezun madr Faustinak bhas dili.
b) Dusro upai – Kakutichi Porob Jezu madr Faustinalagim magta “Mhaka Paskam uprant poilea Aitara
dis Kakutichi porob kell’li zai”. Jezu basaita “Mhoje dhuve, Mhoje soro naslele
kakutichi khobor soglea sonvsark porgott, hi porob, sogleam otmeank odik korun
chodd goroz asleleank. Tea disa mhojea kakuticho sagor ugto zatolo. Hanv heam
otmeancher kurpecho pavs votoitolom. Je konn Mhoje kakuti sorxim ietat ani tea disak Kumsar ani Khomunanv ghetat
tankam, patkachem anik khastichem purem bhogsonnem favo zatelem. Konnench mhoje
thaim ieunk bhieunchem nhoi, kitli- im vhodd tim patkam zaum. Hi porob mhoje
kusveantleam bhair sorla ani Mhojea Kakutichea sagorar tharaileli asa. Zoxe
bhaxen ami amchea bautizma disak kurpen boron sarkim ek anj-boddvea porim patka
mekllim zal’lint, toxench Dev aiz amkam anik ek dis favo korta samkim nitoll
ani nirmoll zaunk. Kedam voddlem dennem hem. Hem fest zaun asa Devan sorgar
than amche lagim maglolem.
c) Tisro upai- Devache Kakuticho Ters (Chaplet of
Mercy) “Ho ters
mhunntta tea otmeak zaiti kurpa hanv ditolom!… Konn ho ters mhunnot, Mhoji
Kakut taka vengoiteli ani tachea jivitant taka samballteli ani odik korun
mornachea velar. Padrimnim ho salvasanvancho nimanno upai mhunn patkeank
kollounchem! Mhaka zai Mhoje Kakutichi khobor soglea sonvsarak progottloli”.
d) Choutho upai – Dev Kakutichem Noven Chouto upai Jezun dila to eke baxen Devache
Kakutichem noven suru korchem mhunn nimannea Sukrara, Jezuchea mornanchea dias.
Jezu oxem mhuntta “Heam 9 disamnim tuvem Mhoje kakutiche zhorik otme addlele
Mhaka zai hea vorvim tanchea jivitacheam addkhollimnim, odik korun mornachea
vellar ghottai, bhuzvonn ani soglli kurpa tankam mellecheak, Disachea disa ek
otmeancho zomo add, ani tankam Mhoje kakutichea somdirnat buddoi.
e) Panchvo upai – Tin Horancher Kakutichem Magnnem Devachea kakuticho panchvo upai
mhollear Sanjechea Tin horancher mhonnchem Magnnem. Hem hor Devache vhoddle
kakutichem. Hea horar ami Jezuchea koxttancher nihall korun, Khursachi vatt
korun, povitr Sonvskaar fuddem bettouni korchi. Punn, ami tor amchea kamant
guntun asanv zalear, ogeponnim Devak ek lhanxi bhett korchi, Tachea koxttancher
iloso nihall korun.
Hea Devosauncho foll mhunntta tem
doiallponn ani Khallzachi lhanvikai. Ami sogllem vhoddponn, amchi poddvi,
amcheo famili, amchem xikxon, amchem posicao, igorjent ani vaddeant amchem
mukhel fuddariponn (Leadership), amche zome, sogllem Devachea hatant ghalum-ia.
Jezuk ekuch zai, ami saddeponan ani sogllea visvasan mhuntlelem “Jezu hanv
Tujer patietam”. “Jesus I Trust in You”.
Mariechea Nixkollonk Kallzachem bhasailolem zoit, Bhov Povitr Tritvechea onodak, koxem vaddounchem: Fatima Saibinniche anvdde
1. Dispotteam Kaideanchi
Bhettovnni,
prachit koxem Devachi
sumort pallop ani
Devak poilo dovrop.
2. Poileam
Sonvaramnim Misache Bhette udexim
Farikhponn:
Poileam Sonvaramnim,
Dev-Mata Farikhponnacho Povitr
Komunhanv anvddeta:
Fatimacho Visorlolo Nirop.
Kurpa mellta: (1)
Nimannea Thirasonnachi i.e.
mornnachea vellar adar;
(2) sabar patkeanchem
mon-bodlop; (3) sabar
otmeanchem taronn; (4) xanti
kuttumbamnim, somudaiamnim, iadnikank,
adi; (5) sarvik Povitr
Sobhecho ekchar ani
boll; (6)Mariechea Nixkollonk
Kallzachea bhasailolea zoitak
adar; ani (7)
Pap Saib Pio X – vean
dil’lem purem (plenary)
induljens.
Poilea
Sonvarak korpacheo panch
vostu:
(1)
Kumsar: dhor moinneak (2) Povitr Komunhanv (3) Ruzaiche panch
khonn mhunnop (4) Pondra
minteo Ruzai-che gutt
niallun Saibinnik sangat
divop (5) Mariechea
Nixkollonk Kallzak monxeakullan
kel’leam patkanchem farikhponn
diunchea intensanvan. Heo
soglleo vostu, Jezuchea
Povitr Kallzache poilea
Sukhrarache bhoktek purai
haddtat ani hem
sogllem zonn eklean
vo dusream sangata
korum-ieta.
Panch Sonvar kiteak ani nhoim
sat vo nov? Haka panch karannam assat: Lucian ho
proxn Jezuk vicharlo tednam tika ho zobab mell'lo. Panch torechim patkam
Saibinmaichea khotavinn kallzacher add vetat:
(1)
Devninda tichea nixkollonk gorbsombhovacher, (2) Devninda tichea
ankvarponnacher, (3) Devninda ti Devachi maim hea sotacher (4) Devninda
ugteponnim bhurgeanchea kallzant khotavinn Saibinnmaicher add xikoun
ghalun, (5) Devninda tichea povitr chitrak okman korun.
He porim amkam dakoll zata ki dor ek
sonvar Saibinicher add opmana pasun farikponn diunk bhettoilolo asa.
Him-bi (zaun
asat) akromonnam kuttumbacher
Hangasor Povitr Sobha (Igorz)
soddun gel’leam ani
dusream sobhamnim bhitor
sorleleam sabar Katolkam
khatir magtanv.
3 Amche Saibinnichea
khoinche-i porbek, vorsak
ek pavtt ani
dispottim porian kel’li
Dhormprantachi / Firgojechi,
Kuttumbachi, Mariechea Nixkollonk
Kallzak Somorponnachi Kornni/vo Bhettecho
Akt. Hem (zaun asa)
adhunik vaittank vokhod (1) hea kallar,
bhavarteam modhem, bhavart
ani satvikponn pidder zavpachem
pois korunk; (2)
amchea kallachea somazachea
patkam khatir farikhponn
diunk; (3) kherit
Mariechi rakhonn Povitr
Sobhecher haddunk, je
porim ti Jezuchea
manovleleam xisank favo
zal’li, zoxem Dhormdut
Zuanvak, zo aplea
Dhoniachea ani Soddvonnarachea kallzak
chodd lagim aslo
ani zannem Khursa
mullim Mariek, Atmik
Avoi koxi, mandun
ghetli. Hea somorponnachi
khunna mhunnlear kallxem
Bentin (Brown Scapular).
3
A) Avoi ani
Ranniê Mariek Zonn
Ekleachem Dispottem Orponn:
Nixkollonk Maiê, hanv, N.……., unnea bhavartacho
patki (unnea bhavartachi patkinn) -- mhojeô Bautismacheô Bhasavnneô tujea
hatantlean novsortam ani thiraitam; hanv sasnnak devcharak, tachea dobajeank
ani tachea kamank fatt kortam; ani mon’xea-soimb ghetlolê Zannvaiêk, Jezu
Kristak, sompurnnaiên mhoji bhett kortam, jivit bhor Tachê fattlean
mhozo khuris vhorunk ani adlea poros odik Taka visvaxi ravunk.
Sorginchea
dolbhara mukhar hanv tuka mhoji Avoi ani Ranni mhunn venchun kaddtam. Tuzo
chakor koso (Tuji chakorn koxi), mhoji kudd ani atmo, mhojê lagim asa titlem-i
ani mhojea boream kornneanchem adlem, atanchem ani fuddlem mol legun tujê suvadin
kortam; Devachê vortê mhoimê khatir, kainch addainastanam, mhojê vixim ani
mhojê lagim asa ani nam tachê vixim, tuka zai toxem korunk tuka purai ani
sogllo odhihar ditam, atam ani sasnnak. Amen.
Jezuchea
Omolik Rogta, amchem taronn kor!
Jezuchea Povitr Kallza, amchi kaklut kor!
Nixkollonk Kallza Mariechea, amchê pasot mag!
Mariechea Nixkollonk Manta, amchi rakhonn kor!
Bhavevont Juze, amchê pasot mag!
Bhagevont Fransisk Xaviera, amchê pasot mag!
Bhagevont Juze Vaza, amchê pasot mag!
Soglleamnim – bhov
korun avoiamnim – dor disa apleam bhurgeank, ek-ekleachem nanv kaddun, Mariê
amchê Sorginchê Avoik orpunk vavurchem. Ti tankam samballtoli, karonn ti akhea
moniskullachi Avoi!
3
B) Nixkollonk Maie,
ami, patieum nozo toslim
patki, amchea Povitr-Snanacheo angovnneo
Tujeam hatamnim novsortanv
ani posand kortanv (ratify). Ami sasnnak
denvcharak, tacheam dhobajeank
ani kornneank nakartanv ani
ami amkanch ani
Rajeak / Goenchea dhormprantak sogllinch
Jezu Kristak ditanv: sogllea amchea jivitant
Tache pattlean amcho Khuris
vhorunk ani adlea
von odhik Taka
visvaxi asunk To
amchi zannvai. Sogllea
sorginchea rajporivarachea asnneant,
ami Tuka amchi
Mai ani Ranni
mhunn aichea disa
vinchun kaddtanv.
Tujea Nixkollonk Kallzak
anchem Raj/Dhormprant, Mukhel Montri….Montri, sorkari
odhikari (Bisp, Padri, Dhormik)
ani soglle sonvsari
ani dhormik fuddari,
kuttumbam, tornattim, bhurgim,
soglle amche proxnn……amchea Rajeachi/Dhormprantachi soglli
girestkai ani amcheo
adleo, atancheo ani
fuddleo kornneo Tuje
adhin kortanv ani
Tuka somorpitanv: atam ani
sasnnak, Tuka zai
te bhaxen, Devache
vhoddlea onodak, vanttun
diunk sogllo hok’k
Tujea hatant soddtanv.
4)
Mhoji sokallchi bhett: Mhojea Deva Mariechea
khotavinn kallzak ekvottun (hanga tujea kofi rongachea bentinacho umo ghe)
akhea sonvsarachea vedi velem Jezuchem omolik rogot hanv bhettoitam ani hea
disa ekan ek mhojim dispottim sogllim chintnam, utram ani kornneo tuka
ekvottaitam. Mhojea Jezu mhoji khoxi aiz zata titlim indulgensam ani punnim
zhoddunk ani mhojea somorponna borobor tim sogllim Mariachea khotavinn kallzak
bhettoitam, hem sogott tinnem purteponnim Jezuk zai toxem vapuddchem.
5)
Sant Francisk Marto-hachi
dekh gheun amchea
kallar, vaittacher boreachea
zoita khatir magun,
soglleam khatir, punn
kherit bhaxen Iskolacheam,
Collegicheam ani Dotornicheam
bhurgeank monan dovrun,
Bhov-Povitr Sonvskarachi
portun-portun farikhponnachi bhozonn
korunk.
6) Bhovxik niallachem
magnnem, kherit bhaxen,
Ruzaichim pursanvam, kuttumbachea Ruzaichea magnnea
bhair.
7) Imaj. Fatima
Saibinnichi bhett.
8)
Kherit
Ekantaio/Atmik Kosrot/Xhibiram.
9)
Maiache
13ver ani Otubrache 13ver, Firgojent,
Dhormprantant, Somudaient, adi.
FATIMACHEAM BHURGEANK ANJAN
XIKOILELEM MAGNEM
Nomoskarachem Magnnem: Bhou Povitr Tritve, hanv tuka nomoskar kortam.
Mhojea Dhonia ani Mhojea Deva, hanv tuzo mog kortam. Unddea rupan Sacramentan
ravlolea Jezu tuzo chodd ani chodd mog kortam.
Patkanchem Farikponn Magnnem: Bhou Povitr Tritvi, Bapa, Puta
ani Povitr Atmea, sorpott poddun hanv tuka nomoskar kortam ani Tuka bhettoitam
akhea sonvsarantleam tabernaklamnim astea Jezu Kristachi Kudd, Rogot, Atmo ani
Devponn diuncheak farikponn bemananchem, sakrilejanchem ani befirinchem jim
Tuka opmanaitat, ani Tachea bhou Povitr Kallzachea ogonnit punneam khatir ani
Moriechea Khotavinn Kallza vorvim babddeam patkeanchem konversanv hanv poratun
magtam.
Bhogsonnem
Magunk Magnnem: Mhojea Deva hanv sotman’tam, nomoskar kortam, bhorvanso dhortam ani hanv
Tuzo mog kortam, Hanv bhogsonnem magtam je konn Tujer bhavart dhorinant,
nomoskar korinant, bhorvanso dhorinant, nhoim mhonn Tuzo mog pasun korinant.
FATIMA SAIBININ MAGLELEM PRARTHON: Sacrifice
Prayer: O Jesus, it is for love of Thee, for the
conversion of sinners, and in reparation for the sins committed against
the Immaculate Heart of Mary.
Decade
Prayer: Oh mhojea Jezu bogos amkam,
nivar amkam emkonddantlea ujeantle/(im), vhor sorgar sogllea otmeank bhov korun
chodd goroz asloleanknchem konversanv hanv poratun
magtam.
World Apostolate of Fatima, Goa Archdiocesan Unit & National Centre
The World Apostolate of Fatima is a Public
International Association of the Faithful, permanently
approved by the Holy See, whose Decree of
Erection was signed on October, 7, 2005,
Feast of Our Lady of the Rosary.
www.WorldFatimaTv.org
Jezuchea
Povitr Kallzak Folladik Noven
tumkam melltolem, sodat ani tumkam
gavtolem, darar marat ani tem tumkam
ugoddttolem”. Ho polle hanv darar martam
sodtam ani kurpa magtam………
Amchea
Bapa…Noman Morie…Mhoima Bapak…
Jezuchea Povitr Kallza, _________ Hanv
sogllo mhozo visvas Tujer thevtam.
II. Oh mhojea Jezu, Tuvem
mhonnllam: “Hanv tumkam khorench sangtam, tumi mhojea
Nanvan Bapa kodden kitem-i magxeat. To tumkam tem ditolo… Ho polle,
Tujea
nanvan, hanv Bapa kodden hi kurpa magtam………
Amchea Bapa…Noman Morie…Mhoima Bapak…
Jezuchea Povitr Kallza, _________ Hanv
sogllo mhozo visvas Tujer thevtam.
III. Oh mhojea Jezu, Tuvem mhonnllam: “Hanv
tumkam khorench sangtam, sorg ani
sonvsar sortole punn mhojim utram
sorchim nant!” Tujea chukonaslolea utrancher
patieun hanv atam hi kurpa magtam….
Amchea
Bapa…Noman Morie…Mhoima Bapak…
Jezuchea Povitr Kallza, _________ Hanv
sogllo mhozo visvas Tujer thevtam.
IV. Oh
Povitr Kallza Jezuchea, zachean dukhestanchi doia korinastana ravpak
nozo,amcher
nirbhagi patkeancher Tuji kakutichi nodor ghal ani Moriechea dukhest ani nixkollonk kallza vorvim, Tuje ani
amche mogall avoiche mozotin ami Tuje kodden magtanv ti kurpa amkam melloi…..
Amchea
Bapa…Noman Morie…Mhoima Bapak…
Jezuchea Povitr Kallza, _________ Hanv
sogllo mhozo visvas Tujer thevtam.
(Chotrai: Hem novenachem magnnem Padre
Pio, lok tache kodden magnnem korpak magtale tedna tanche khatir dispott’tim
mhunntalo. St. Padre Piochea magnneant atmikponnim ekvottan ravcheak somestanim
hem magnnem dispott’tim mhunnchem).
JEZUCHEA
KALLZAK
FAMILICHEM
SOMORPONN
Familintlea eka fuddarian hem
korchemn ani yeram soglleamnim mod-modli voll dhorchi
Jezuchea
ani amchea mogall Bapa, Tunvench amchi Kristi Famil mogan ghoddun haddleai ani
Jezuche khore govay zaunk Tum amkam apoytai. Jezuchem Kalliz amchê modem Tujea
disonaslolea Kallzacho jivo Rupkar. Dekhun atam teach Jezuchea Kallzak amchê
Familichem somorponn korunk ami aileanv.
Mogall Jezu, amchem somorponn manun ghe.
JEZU, Tum khoroch Devacho Put ani sorv mon’xancho Soddvonnar: amchea
Bapachea doyall mogachi amkam khatri diun, portun amkam Tachê vengent haddunk
Khursar porian morunk Tum kobul zaloi; Tujem Kalliz Bapak thambonastanam
ekvottlolem aslem, ani Tachich khuxi korunk tem axetalem:
• Hem vhodd dennem amkam-i, Tujeam bhavam-bhoinnink, favo kôr,Jezu;
• Tuzo Bap amcho-i Bap mhonnun amchea Bapa kodde dis-bhôr ami ekvottlolim asum;
• Tujea vangdda Bapachem mogachern Raj ximpddaunk zaum-di amcho vhôdd-vhôdd
husko!
Mogall Jezu,
amchem somorponn manun
ghe.
JEZU,
amchim kalizam Tujea Kaliza sarki zaum - di.
• Bapa mukhar ani mon’xam modem sodanch Ihanvik-khaltim timzaum;
• peleachê, bhov-korun lhananchê, gorjek pavunk ani sorvanchem borem sodunk
sodanch toyar ani khuxal tim asum;
• konnachoch rag dhorinant, konnachench nanv uboynant ani peleak dukhoynant
toslim tim zaum;
• ami chuktanv title-i pavtti bhogsonnem magunk ani amkam dukhoytoleank
bhogsunk tim aitim zaum;
• oxem, familint ani vaddeant porzollit bhavponnachem somudayik jivit vaddorn.
Mogall Jezu, amchem somorponn manun ghe.
JEZU,
Tum Boro Gonvlli:
• Tujê sarke zaun amche Gonvlli amcheam familink Tujea mona pormannem samballum
ani choloum;
• Firgojent, Sonvsthamnim ani Gonvllik-Sobhent fuddari zaunk mukhar sorunk
amkam umedin bhôr;
• Familint, Somudayant ani Somazant gonvilik nodren fuddariponn cholounk amkarn
xikoy;
• Tujench mon dhorun, kosloch zatikaticho vô dhormacho porian vegllochar
korinastam, êk niticho ani xanticho somaz bandunk Tuzo Atmo amkam di.
Mogall
Jezu, amchem somorponn
manun ghe.
JEZU,
Bapachea gopantlo upzun-ui eka thovoyachem kam’ korunk Tuka obhiman bhôglo:
• ami ani amcheam bhurgeamnim vavrachem mol ani vhoddponn vollkhixem kôr;
• amchea vavra-dhondeacher ani visovacher Tujea Bapacho axirvad ami magtanv;
• amchea sadea jivitachim sogilim kamam Tujea Bapak man ditat toslim zaum-di.
Mogall Jezu, amchem somorponn manun ghe.
JEZU, patka vorvim vidrup zal’Iê he xrixtticher Tum denvloi:
• amchea Bapan amchê adhin kel’lo amcho sobitganv saf ani hirvo dovrunk,
• amche dongor ani ranam rakhunk, amchim udkam — doria, nodi, zhori — xud’dh
• ani xitoll ballgunk, ani hi amchi Bapan dil’Ii girestkay komais korun
fuddleam pinddkank dovrunkamkam xanneponn di.
Mogali Jezu, amchem somorponn man an ghe.
JEZU,
Tujea koxttam-mornnantlean mhoimek pavun Tunvem amchi soddvônn kelii:
• amcheam koxttam vorvirn mon’xanchê soddvonnechea Tujea chalu-vavrant Tujim
bhagidaram ami zatanv mhonn ami vollkhunk pavum;
• Tuka ekvotton, Tujea Bapachea hatantlim mogachim dennim koxim tim gheunk
amkam adar di
• amchê familint koxtt, dukh ani tras yeta vô vaddtat tednam, Bapachê khuxê
pormannem tankam ilaz sodunk ami gheunk zayte upay amkam dakoy.
Mogall Jezu, amchem somorponn man tin ghe.
JEZU,
ami okman’lolea Tujea Bapacho bhogsonnem-divpi doyall môg amkam onnbhovunk
diunk Tum sonvsarantailoi:
• amchem patok hoch Bapacho môg nakarta mhonn amchea kalizant konchoy;
• patkachi vikottai vollkhun, odik-odik ekamekachea mogan jiyeun amchea
onupkarponachem Tuka ani Bapak farikponn diunk amkam adar di;
• tori amchê familint ami sogllim osokt mon’xam dekhun, portun-portun ami
chuktanv. Sogileam amcheam patkanchem bhogsonnem gheunk ami axetanv.
•
Jezu, Turn amkam hi khatri ditai: Aini sanddlolim Tujea Bapak nakach, ani Tum
amkam kodinch sôddchonãi. Tujea Kallzantlean amcher vhanvot astoli amchea
Bapachi doya ani amcheam chukinchem bhogsonnem. Oxem Tujem Kalliz, Jezu,
amam-somestancho Bhorvanso!
Mogall Jezu, amchem somorpona manunghe.
JEZU,
Tujea mornnachea adlea disa bhov vhodda mogan Tujeam xisanchê Familik Tujea
Bolidanachem Dhin’vasnnechem Jevonn Tunvem dovorlâi:
• hea Tujea Kuddi-Rogtachea Dhinvas-Jevnnant bhavartachê axen zata title pavtti
vantto gheunkami bhas ditanv;
• thöi, Tujea Bolidanant, amchea-i jivitachem bolidan Bapak bhettoylolem zaum-di;
• hea ekach Jevnnant vantto gheun, odik-odik Tujeach jivan ami jiyeum;
• oxem, odikuch Tujeam xisam modem mogacho ani ixttagoticho sombond ani
ekamekacho husko vaddom-di.
Mogall Jezu, amchem somorponn manunghe.
JEZU,
Tujea gupit jivitant, Tujê khotavinn Avoychê rakhnnê khal Turn sodanch
bhurgeabhoktin chol’loi:
• toxench, bhurgeabhoktin he amchê Avoycho moipas vollkhun, tichê rakhnnê khal
sodam ami cholum;
• nhoich akantachea vellar, punn dispottea jivitant, dhin’vaxi kalizan amche
dolle tichê thai ubarun, ticho adar ami visvasan magum ani khuxen manun gheum;
• atam hem-i amchê familichem somorponn Saibinn-Mayechea Kalizant dovrun Tujea
Kalizak ami khotkhotit mogan kortanv ani Bapa mukhar tem Tunch, Jezu, pavoy
mhonn magtanv.
Mogall Jezu, amchem somorponn manunghe.
JEZU; amchea Bhava ani
Soddvonnara, êk dis Tum amkam ek-ekleak hea sonvsarantlim ubarun vhorunk
yetoloi:
• Tujea Kallzachê doyecher patyeun, xantin ani visvasan Tuka mellunk ami vocho-xem
kôr;
• tea sogllea-vôn mhotvachea disa, Povitr Atmeachea mogachea ujean ami sarkim
nitoll nirmoll zaun, Tujea Kalizachi ani amchea Bapachi doyallay amkam
sopurnnayen bhogunkmellum;
• ani oxem, Tujeabhov povitr ani mogall Kalizak ekvottloli ani Povitr Atmean
mhoimevont kei’li amchi sogili Famil, Ankvar-Mayê ani soglleam sontambhoktam
borabôr, amchea bhov mogall ani bhov doyall Bapak sasnnak mhoima ani dhin’vas
gavunk pavum.
Mogall Jezu, amchem somorponn manun ghe. AMEN.
CP/1834/2009
Chhapum-ieta
(Pri.
José Remedios Fernandes)
Goy-Damanvcho Vigar Jeral
Ponnjê, 10-07-2009
Komuneanva Uprant, Padre Piochem Magnnem
Dhonia, mhojea sangata ray; hanv
Tuka visornam zavpak.
Tum uposthit asop gorjechem. Hanv
Tuka kitle sompeponnim soddttam ti Tuka khobor asa.
Dhonia, mhojea sangata ray kiteak
hanv oskot ani portunportun apttona zavpak mhaka Tujea bollachi goroz.
Dhonia, mhojea sangata ray kiteak
Tum mhojem jivit ani Tuje vinnem mhaka urba nam.
Dhonia, mhojea sangata ray kiteak
Tum mhozo uzvadd ani Tuje vinnem hanv kallkhant asam.
Dhonia, mhojea sangata ray, Tuji
khuxi mhaka dakhovpak. Dhonia, mhojea sangata ray, Tuzo tallo aikun Tuzo
pattlav han vern korcheak.
Dhonia, mhojea sangata ray kiteak
Tuzo chodd mog korunk ani sodanch Tujea sangata ravunkhanv otrektaril.
Dhonia, mhojea sangata ray zor hanv
Tuka visvaxi ravlolom zai.
Dhonia, mhojea sangata ray zorui
mhozo otmo khup dubllo torui to Tuka buzvonnecho zago ani mogacho ghontter
korunk hanv sodtam.
Dhonia, mhojea sangata ray kiteak
kallav zait ieta ani dis dharir pavta ani jivit sorot ieta; moronn, zoddtti,
sasonn lagim pavtat. Hanv vatter tharonam zavpak han vern mhojem boll novsorunk
zai ani he khatir Tuji mhaka goroz. Kallav zata ani moronn lagim pavta. Mhaka
kallkhacho, tallnneancho, dukllacho, khursancho, koxttancho bhoim dista. Oslea
kallkhi pordesant, Oh Jezu, mhaka Tuji kitli goroz!
Jezu, ratcho mhojea sangata ray,
jivitant sogllea sonkoxttamni Tuji mhaka goroz!
Tujea xisamni Tuka undo moddttana
ollkholo toso hanv Tuka ollkhl,lDk pavum. He toren kallokh poisaita toslo
uzvadd, ghottai dita toslem boll ani mhojea kallzacho kherit sontos mhaka
Kristprosad zaum-dL
Dhonia, mhojea sangata ray kiteak
mhojea mornnachea vellar mhaka Krist-prosada vorvim nhoi zalear, kurpen ani
mogan tuka chikttun ravpak zai.
Dhonia, mhojea sangata rav,hanv
deivik buzvonn magonam kiteak ti mhaka favonam pun Tuje uposthi-tichem dennem,
hoi, hanv tern Tuje kodden magtam!
Dhonia, mhojea sangata rav, kiteak
Tukach hanv llxetam. Tuzo mog, Tuji kurpa, Tuji khuxi, Tujem kalliz, Tuzo atmo
bhogunk hanv anvddetam - kiteak hanv Tuzo mog kortam ani dusrem inam' magonam
bogor Tuzo chodd ani chodd mog korpak otrektam.
Eka thir mogan sonvsarant aso pori
ant sogllea mhojea kallzan hanv Tuzo mog kortolom ani sasnnachea sasnnak
purnnponnim Tuzo mogkorit ravtolom. Amen.
Jezuchea
Povitr Kallzak Folladik Noven
I Oh mhojea Jezu, Tuvem mhonnllam: "Hanv
tumkam khorench sangtam, magat ani tumkam mellttolem, sodat ani tumkam
gavtolem, darar marat ani tern tumkam ugoddttolem". Oh polle, hanv darar
martam, sod tam ani kurpa magtam....
Amchea
Bapa Noman Morie ... Mhoima Bapak ..
.Jezuchea Povitr Kallza Hanv sogllo mhozo visvas Tujer thevtam.
II. Oh mhojea Jezu, Tuvem
mhonnIlam:"Hanv tumkam khorench sangtam, tumi mhojea nanvan Bapa kodden
kitemi magxeat, To tumkam tern ditolo". Oh polle, Tujea nanvan, hanv Bapa
kodden hi kurpa magtam ...
Amchea
Bapa ... Noman Morie ... Mhoima Bapak .. .Jezuchea Povitr Kallza, Hanv sogllo
mhozo visvas Tujer thevtam.
III. Oh mhojea Jezu, Tuvem
mhonnIlam: "Hanv tumkam khorench sangtam, sorg ani sonvsar sortole punn mhojim
utram sorchimnant". Tujea chukonaslolea utrancher patievn hanv atam hi
kurpa magtam ...
Amchea
Bapa ... Noman Morie ... Mhoima Bapak .. .Jezuchea Povitr Kallza, Hanv sogllo
mhozo visvas Tujer thevtam.
IV. Oh Povitr Kallza Jezuchea,
zachean dukhestanchi doia korinastana ravpak nozo, amcher nirbhagi patkeancher
Tuji kakutichi nodor ghal ani Moriechea dukhest ani nixkollonk kallza vorvim,
Tuje ani amche mogall avoiche mozotin ami Tuje kodden magtanv ti kurpa amkam
melloi.
Amchea
Bapa ... Noman Morie ... Mhoima Bapak .. .Jezuchea Povitr Kallza, Hanv sogllo
mhozo visvas Tujer thevtam.
Chotrai: Hem novenachem magnnem
Padre Pio, lok tache kodden magnnem korpak magtale tedna tanche khatir
dispott'ttim mhonnttalo. St. Padre Piochea magnneant atmikponnim ekvottan
ravcheak lokamni hem magnnem dispott'ttim mhonnchem.
POVITR
SAKRAMENTA FUDDEANT PADRE PIOCHEM MAGNNEM
"Oh Jezu ... Hanv Tuzo mog
kortam ... zaitoch kortam ... Hanv soglloch Tuzo zaunk sodtam .... Hanv Tuje
khatir lastam tern Tum pollenam? '" Tum mhojekodden mog, mog, mog, mog
magta ... Hanv Tuzo mog kortam ... Tor sokallim mhoje sorim ie ... ami dogui
eksure ravum-ia ... Hanv fokot Tujea sangata ... Tum fokot mhojea sangata ...
Oh Jezu, mhaka Tuzo mog di.. .. Tum jedna mhojea kallzant ieta, Zor kitem-i
Tuka mandona toslem Tuka dixtti poddtta, zalear,tacho nas kor. Hanv Tuzo mog
kortam ... Hanv Tuka ghott mhojea lagsar, lagsar, mhojea lagsar dovortolom ...
Hanv Tuka vochunk divchonam, Tum mekllo asa, hem khorem, punn hanv Tuka itlo
ghott, itlo ghott dhortolom hanv Tujem meklleponn kaddun uddoilole vori
kortolom" "Oh Jezu, mhojea moga ... ani mhojean Tuje vinnem koso
jieunk zait? Ie, mhojea Jezu, sodanch ie ani Tunch mhojea kallzacho tabo ghe
... Hoi, Zor mhoje kodden mezunk-mapunk zainant titlim kallzam aslelim zalear,
sonvsarantlim ani sorgantlim sogllim kallzam, Tuje avoichem kalliz poriant, tim
sogllim, sogllim hanv tuka bhettovpachom ... Mhojea Jezu, mhojea omruta, mhaka
dhir ditolea moga ... Tuje upkar atthoitam ... adeus".
XANTI MELLOUNK MAGNNEM (St. Fransisk Asisachem Magnnem)
Dhonia,
Zoim dves
as a, thoim hanv mog haddum
Zoim opman
asa, thoim hanv bhogsonnem dium
Zoim
zhogddim vostat, thoim hanv ekvott haddum
Zoim
niraxa upzota, thoim hanv axa kirlaum
Zoim
kallokh posorta, thoim hanv uzvadd Jankarum
Zoim
udasponn vosta, thoim hanv khuxalkai ghalum
Zoim
dubhav rigta, thoim hanv bhavarth haddum
Zoim chuk vosta, thoim hanv sot ximpddaum
Tuje
xantichem hatiar mhaka kor.
Mogall
Dhonia, mhaka Javo kor:
Nhoi
buzvonn sodcheak
Punn
buzvonn divcheak;
Nhoi mhaka
somzun ghevcheak,
Punn
hanvem peleak somzocheak;
Nhoi mog
ghevcheak
Punn mog
divcheak;
Kiteak
divun, ami ghetanv
Bhogsun
ami bhgsonnem zoddtanv
Ani morun
ami sasnnik jivitak zolmotanv.
Jesuchea Bhou
Povitra Callzak Farikponnache Povitr Or
Jesu
sangatak gheun Pedruk ani Zebedevachea dogam putank (Jacobak ani Juanvak) Gethsemane
mhunnlelea molleant pautoch, Jesun tankam sanglem: “Tallnnent poddanam zauncheak
zage ravat ani Magnnem kôrat”; ani dimbi ghalun dornir Aplem Povitr
Mukhamoll laun prartonam korunk laglo Deva Bapak bhettoun Apnnak hea
prartonant, sonvsarache Soddvonne khatir. Thuim Dev Bapan Tache dixtiik ghatle
somest dogd ani koxtt To sonstolo te mornnache somoim; mhunnge nirop ani okman,
lotti govai, okmanachim utram, nixttur kantte, darun khille, baradik khuris,
jerbondanche far ani coddvollacho balo; deklem Jesun ki sogllem Emkondd
uchamboll zallam mhonn Taka koxtt diuncheak; munis ani soitan manddtat mhonn
Tacher zuz koruncheak.
Tedna,
thortorelo camp riglo Tache Povitr Cuddint ani oso birankul zalo ki birantin
Rogtache vall denvunk laglet Tache Povitr Cuddivelean. Tea vellar Jesu portota
Aplea xinsam sorxim polleuncheak mellot gai mhonn tancho adar ani boll. Punn To
sodta tem Taka mellonam, bhogor nidlele dekta. Hea vellar xinn korun mhunnta: “Pedru
tum nidlai? Mhojê pasun êk or zagrut ravum nozo?" Hea toren Jesu
amche sovem xinn kôrta jednam amim pallo dinam Jesun Bhagivont Margarida Mariak
dilolea, “Jesuchea Bhou Povitra
Callzachea Devosanvak.” Fatimache Sr. Lucia hem ‘Farikponnache Povitr Or’ dor Brestara kori Jesuchea Bhou Povitra
Callzak farkiponn diuncheak ounupkarponnache ani okmananche je onupkari munis
Jesucho Ogonnit Mog onupkarponnanim ani okmananim farik kôrtat.
Curpa Magcho ACt
Iô Tum, Iô Deva
Spirita Santa, rig callzant tujêam bhavarteanchea, ani pethoi tanchea sovem uzo
tujêa mogacho.
V.
Pathoi tujéa Spiritak, Zo rochit sogllem,
R.
Ani ho sonvsar novo korit.
Prarthum-ia
Êh Deva, tum
zannem xikoilaim callzank bhavarteanchea Spirita Santachea uzvadda vorvim, dhi
amkam teach Deva Spirita vorvim somjonnim nittaechi mellcheak sodanch tachem
vhodda mollachem dadosponn. Teach amchea Dhonia Jesu Christa vorvim. Oxem Zanv.
Fatimachea Bhurgeank Anjan Xikoilelem Magnnem
Bhou Povitr Trinidadi hanv Tuka Nomoskar kortam; Mhojêa Deva,
Mhojêa Deva, Tujêa Santism Sacramentant hanv Tujô Mog kortam.
Éh Mhojêa Deva, hanv Sotmandtam, hanv Nomoskar kortam, hanv Bhorvanso
dhortam ani hanv Tujô Mog kortam. Ani jê konn polle Sotmandinant, Nomoskar
korinant, Bhorvanso dhorinant ani Tujô Mog korinant tankam bogsonnem magtam.
Bhou Povitr Trinidadi, Bapa, Putra ani
Spirita Santa, sorpott poddun hanv
Tuka Nomoskar kortam ani Tuka bhettoitam
akhea sonvsarantleam Tabernaklamnim astea Jesu Christachi Kudd, Rogot, Othmo
ani Devponn diuncheak farikponn bemananchem, sakrilejanchem ani befirkinchem
jim Tuka okmanaitat ani Jesuchea Bhou Povitra Kallzachea Ogonnit punneam khatir
ani Moriêchea Khotavinn Kallza vorvim babddeam patkeanchem konversanv hanv
porathun magtam.
Bhavartacho ACt
Mhojêa Deva, / Jivea bhavartan sotmandtam
Tum Êkuch Niz Dev mhonn, / Zaka asat Teg Zonn khoreponnim vegle ; / Bap,
Putr ani Spirit Sant : / ani Putr amche Soddvonne pasot/ Munis zalo,
koxttoulo ani melo mhonn, / meleleantlo Jivont zalo, Sorgar choddlo, / thuim
Rajvott choloita, / ani novean Onodbhorit ietolo mhonn soglleam mun’xeanchi
Zoddti korunk / ani diunk zonn eklea mun’xeak apleam korneam pormonnem, /
mokutt Sorga Rajeant vo khast Ifernant. / Hem ani her sogott jem Igroz Matha
sotmandta / ani xikoita / hanv sotmandtam, / kiteak Tuvem porgottlaim dekhun /
ani Tum kednanch fottoi nai, / nam mhonn Tuka kednanch fottoum-nozo dekhun.
Bhorvanxeacho ACt
Mhojêa Deva, / Tum Sorv-podvedar, ogonnit
kakutin bhorlolo/ ani Tujêo bhasaunneom pallunk bhov visvaxi dekhun,/hanv
patietam, amchea Dhonia Jesu Christacheam puneam pasun/maka sasnnachem jivit
ani tem zoddunk goroz ti kurpa ditoloi mhunn,borim kortubam adarteliank Tuvem
bhasailam tea promonnem,/ani hem pallunk,/Tujê kurpechea adaran hanv nichev
kortam. Dhonia mozo bhorvanso sasnnak gondollunk nirminaka.
Mogacho ACt
Mhojêa Deva, / Tum Sorv Borvo / ani soglleam
vostum poros Tuzo odik mog korunk favo dekhun, sogllea mhojêa kallzan hanv Tuzo
mog kortam, / ani Tujêa moga pasun, / mhojo mog kortam tossoch mhojêa
peleacho-i kortam./ Dhonia, hanve Tuzo odik ani odik mog korunk nirmi.
Dev Bhiranticho Dukhicho ACt
Mhojêa Deva, / patkanchi vitt, Sorginche
sukh chuklem mhonn, / ani Ifernanche khastichi bhirant motint haddun, / hanvem
Tuka okman kelet mhonn, sogllea mhojêa kallzan than mhaka dukh bhogta, / ani
Tujê Dev Kurpechea adaran, / mhojêm jivit bodlunk ani kedinch Tuka novean okman
korina zaunk, / ghott nicheu kortam / mhojêa guneavanchem bhogsonnem magtam /
ani Tujê Ogonnit Kakutin, tem mhaka ditoloi mhonn patietam. Oxem
Zanv.
Nomoscarachea orachi Bhett
Mogalla
Jesu, ekvottan Bhagivont Ankvar Moriêchea, Tujêa Calzachea sontosa ani
dukhinchi sangatin, punn êke kherit bhaxen, sangata Tujêa Tabernaclantlea
êksurponnachi, tech bhaxen ekvottan Bhagivont Margarid Mariachea, Tuvem vinchun
caddleli apostl Povitr Nomoscarachem Or porgutthunc, amim Tuka bhettoitanv hem
Povitr Or, teanch tensavam pasun, zanche khatir tem bhettoi mhonn Tuvem
maglleleim, Tujê chakorni corne, jednam Tum tiche laguim magtaloi, chalu kôr
tem ojeapanchem magnnem, jem Tuvem suru kel’leim Getsemanichea Molleant.
Ghê
tor Mogalla Dhonia, hem Povitr Or zache vorvim amkam khoxi asa:
I Thonddaunc Tujê
niticho rag, zo Tuka eta itlea sogott okmananc lagun je soglleam suataur, rat
ani dis munis Tujêr adartat.
II Magunc Tuji Cakut
ani bhogsonnem patkeanc, Tujêa mogacheo rochnnam, zanche pasun Tuvem
varoileleim Tujêm Amolic Rogot, nimanne tembe porian.
III Unnim korunk
coddsann ji Tuka bhogleli, Tujêa Apostlanim Tuka eksurponnak ghaltoch, zanche
laguim ghoddlem nam ekuch or Tujê borobor zagrutaien sarunk.
Tech
bhaxen amim Tuka bhettoitanv hem Or, soglleam Tujêam tensanvam pasun, zauche
katir amim maglelem Tuka zai, punn odic korun mellunk Tujê Igorjek zoit, Bhagivontank
thirason, patkeank ani onbhavarteank conversanvauachi Curpa ani Purgotorintleam
othmeank sasnnachi sovostkai.
Amim
Tujê laguim magtanv, Mogalla Dhonia vaddoi mhonn hea Nomoscarachea Orak ekvott
amchea ganvant. Ah! kedo vhoddlo sontos ani buzvonn Tuka mevtti, Dhonia zor tor
hea Devosanvant vantto gheunc zata titlei toear asul’let zalear, goroz to
sacrifis korunk, sarche bhaxec aplo vell, polko sontos bhogun ani konn zanno
patkam porian adarun zalear!
Povitra
Callza Jesuchea, amim Tujêr patietanv. Mandun ghe hi supurlich bhett amchi.
Doian aik amchim magnnim. Amcher ani amchea ghorabeancher Tujim besanvam votoi
ani hea ojeapanchea Devosanvam vorvim bodol amche ghorabe ani te kôr dekhiche
ghorabe, Tujêa Nazaret Ghorabea sarke.
O
Moriê, amche mogache Maiê, konnakuch nasul’li ollokh Jesuchea Callzacheam
ghuttanchi, jitli Tuka asul’li. Tor xikoi amkam, Tacho mog korunk sogllea
amchea callzant thaun, ani Taka buzvonn diunc hem Povitr Or kortanam.
Ani
tumim amcheam Rakhnneam Boddveando, Getsamanintlea Boddveachea sangatak amkam
zagrut dovrat, hem Or kortanam ani amkam adar ani boll diat, khoxe-monan gheunc
vantto Jesuchea Khursacho, zo Taka puttovt amkam diunk, Aplea Onodak ani amchea
othmeachea salvasanvank. OXEM ZANV.
(Dolleam mukhar
dovor ho rupkar:
Somoz ki tum asai mhunn Getsemanichea
Molleant… Dhoni Jesu thuinsor asa, mornache khontin buddlolo… Prarthun maglam
astanam, Tache Apostl ani ixtt nidleat… Judas Jesuchi par polleta Taka vikunk…
Tum Jesu borobor paro kortai, kiteak tum Tacho mog kortai dekhun.)
Magnnem
Khontic
sampoddlolo othmo ghetolo upkar atthoun ani teach borobor dukam golloun kosoloi
adar vo buzvonn êka ollkea ixttachi vo aplea dusmanachi porian, odik korun
eksurponnak to sampoddla zalear.
Khorench
Mogalla Dhonia, hanv vortoutam Tujêam ixttam modekot soglleam poros ollko ixtt,
kiteak bhou thoddo hanv Tuzo mog kortam, zaite pautthi hanv Tujê khoxer add
vetam; kedna kednaim Tujêr okman porian hanv kortam mha-patok adarun, ani he
baxen hanv Tuzo dusman zatam.
Punn
kedo vhoddlo upai maka meuta Povitr Horant! Hea Hora vorvim mhojean diun ieta
farikponn soglleam mhojeam onnupkarponnanchem, kiteak Tujêm Getsemanichea
Molleantlem Magnnem êk ojeap koxem azun cholta, ani tea vorvim maka meuta upai,
buzvonn diunk Tujêa Khontiborit Callzak.
Tujê bore ixtt
nidleat.
Punn hanv,
soglleam pros olkho, paro kortam.
Tujêam Apostlamnim
Tuka sanddla.
Punn hanv, zorui
tor adim vortoulam Tuzo dusman, aiz Tujê kuxic dimbi ghalun, Tuka sangat
kortam.
Hanv Tujêam ixttam
ani dusmanam pasun magtam.
Ha!
kedi vhoddli buzvonn meuta mhojêa callzak hem niallun! Puro nam, Dhonia hem
Tuka dakhounk ki xekim khotto ani gunnianvkari tor hanv zalom zalear, torui
punn Tuzo mog asa mhunn mhojêa Callzachea tavak?
Mogalla
Jesu, zor tor mhojêa lagim ghoddlelem mhunnunk: “Hanv Tuzo mog kortam sogllea
mhojêa callzan thaun!” Punn hanv bore bhaxen zannom ki hea sonvsaracheam
vostunchi vondavonn mhojêa callzant borich asa mhunn. Zaite pautthi tankam
lagun; hanv Tuzo mog patthi dovortam. Hea pasun soth ulounk hanv mhunnchona : ki hanv Tuzo mog kortam mhonn, punn hanv Tuzo mog korunk axetam mhonn soglea
mhojêa callzan thaun ani soglleam vostum poros odik. Hanv axetam, bhettounk
mhojêm calliz Tujê chakrek. Tum zo vortovtai Dev ani Dhoni, kor Tujê adhin ho
irloso kuddko mhojêa soimbacho (calliz). Tujêam upordesanchea gulamponnak taka
khalto kor ani Tujêa mogacho uzo tantun pettoi.
Maka
bhorvanso asa, Mogalla Jesu hem mhojêm magnnem Tum aikotoloi mhonn, kiteak
soglleam pros boro vogot magnneacho foll mellunk vortouta ho to jea vogtar amim
upkar kortanv soglleo vostu diunk podvi asa tea Dhoniak.
Atam
hanv bore bhaxen zanno ki Tum jernam vortoutai Dev ani Dhoni soglleam vostuncho
Tujêan formanv etalem mhunn. Tujêa Povitra Callzak man diun mozo kaido pallunk,
punn Tuka puttoulem mhojê lagim upkar magunk. Tum mhojê lagim magtai Tuzo
sangat kor mhunn ani Tujêa Povitra Callzak buzvonn di mhunn. Ani hea Tujêa
mganniank pallo diunk, aiz hanv hanga ailam, Dhonia ani teach pasun maka vhodd
bhorvanso asa, Tum mhojêm magnnem aikotoloi mhonn.
Tea
bhair, jem hanv magtam tem Tujêa Callzak mandoutelem mhunn hanv zanno, kiteak
Tunch êk dis mhunntaloi; “Hanv ailam hea
sonvsarak uzo pettounk, ani kitem maka zai bogor pollounk to petlolo?” (St. Luke ch.12 vr. 49). Tor zollov
toiar asa Mogalla Dhonia, ulpai mhojêm calliz ujean Tujêa Mogachea.
Aitemonachem Magnnem
Mhojêa Dhonia Jesu
Christa,
Zo monxeachea moga psot, rautai noich disacho, bogor ratcho porian, amcheam
Altaranver lipoun noich Tujêm Devponn, bogor, monxeaponn porian unddeachea rupa
khal, apoun ani veng marun Tuka bhett korunk eteleank; niza bhavartan
sotmandun, Saiba, vortoutai mhonn mhojo Dev ani Dhoni, mhojo Rochnnar ani
Soddvondar, Toch Dev, Zo mhojêa pasot munis zaun, thoram dogdam modhem Khursar
melolo vhodde moriadin ani nenttuvaen.
Boddveam
ani Bhoktam borobor hanv Tuka nomoskar kortam, mhaka tankta tea pormonnem;
argham Tuka ditam sogleam Tujêam upkaram pasot; bhou korun dili mhonn Tunvem,
Tuji Cudd ani Rogot mhaka, hea Mogachea Sacramentant ani keli mhonn Tujê Maiêk,
mhoji Askarin. Hanv nomoskar kortam Tujêa Bhou Mogalla Callzak, bhou korun, tin
prestavam pasot: poilo argham Tuka diunk hea mha-vhodda dennea pasot; dusro
farikponn diunk soglleam okmanancheam jê hanvem ani Tujêam dusmananim keleat
hea Mogachea Sacramentak ; tisro anga than bhett Tuka korunk sogle suater, zuim
ho Sacrament bogta, noich unno mann, bogor beman.
Mhojêa
Jesu, mog Tujo kortam, soglea mhojêa callzan. Vhodd dukh mhaka dista, Saiba,
itleam okmananim farik kelem mhonn Tujêm Ogonnit Boleponn. Nicheu kortam, Tujê
Curpechea adaran, jieunk hea fuddem patkavinn ani vortouta astanam hanv itlo
kirkoll, bhettoitam mhaka soglloch Tujêa mogak diun Tujêam hatant, mhoji khoxi,
sukh, dukh, otrek, vondaunneo mhojêa callzacheo ani soglem jem vortout mhojêm.
Êkuch jem mhaka zai ani hanv magtam Tujê thaim, vortouta korunk Tujo mog ani khoxi,
jieun sodankal Tujê Curpent ani ixttagotint.
Magtam
Saiba, Purgotorintleam othmeam pasot, bhou korun, Povitra Sacramentachem ani
Ankvar Moriêchem chodd Devosponn keleleam pasot; toxench magtam sogleam patkeam
pasot. Xekim, mhojêa Mogachea Taroka, ekttaim korun mhojê aundde Tujêa Bhou
Mogalla Callzachea aunddeank, bhettoitam Sasnnachea Bapak, magun Tujê Nanvim,
Tujêa Moga pasot, te ghê ani folladik kôr mhonn. Oxem Zanv.
Bhavartacho Act
Mogalla
Jesu, Jivea Devachea Putra, hanv sotmandtam Tum khoroch asai mhonn he suater
amchea Altarar, zoso asai Sogarajeant, zorui tor rupnnea khal unddeachea.
Nomoskar
Vhodde
nenttuvaen ani sogllea mogan, sorpott dhornivoir poddun, nomoskar Tuka kortam
ani otrektam asuncheak Tujê ujir, sogllo vogot vhodda chitan ani khaleponnan,
mhaka tankta tea promonnem Tuka mannan bhorcheak.
Argham
He
suater Tum, Saiba, Tujich bhett kortai Tujêa Bapak munxeam pasun; deuntai
Altaravelo euncheak amchea callzant, mogan amkam bhorcheak, diuncheak amkam
Tujim denim ani katorcheak pidda amchea othmeacheo. Anga Tum jietai munxeancho
ixtt koso, soglem tankam mellecheak ani kainch tankam unnem zainam zauncheak.
Ozaramnim argham sogott Tuka ditam, itleam vhoddam Tujêam upkaram pasot.
Mog ani Dukh
Dhonia,
Tum sogloch apnnapinch borvo ani tea pasun Tuka favo mhojo mog soglleam vostum poros.
Punn mogan Tuka bhorche suater, chukinim Tuka bhorlo ani onupkari Tujê thaim
zalom. Vhodd dukh dhortam mhojêa khotteponnachi, khori bhas Tuka ditam anik
patok korchonam mhonn ani magtam bhogsonnem mhojêam patkanchem.
Bhett ani Magnnem
Dhonia,
hanv Tuka bhettoitam mhojo othmo ani cudd, sogott jem Tunvem mhaka dilaim ani
ditoloi ani magtam mhaka Tujêm besanv.
Prarthonam
Besanv
ghal Saiba, mhojêam vhoddilancher, soireancher ani ixttancher. Bhagivontank
Saiba, odik bhagivont kôr. Patkeank Saiba ani mhojêam dusmanank dhi curpa ani
bhogsonnem. Morna-matear asleleank dhi Saiba, curpa ani borem morn.
Purgotorintleam othmeank dhi Saiba, Soginchem Raj. Oxem Zanv.
Panch Nomoscarache Act
Jesuk Povitra Sacramentant
I Dhavea Paianchea Ghaiak
Pornipat
ani Nomoscar hanv Tuka kortam Tujêa Sacramentant, Êh Mhojêa Jesu! Hand
sotmandtam tantun asai mhonn Tum, niz Dev ani niz Monis koso. Ani hanv sodtam
hea nomoscarachea acta vorvim, diuncheak farikponn Tuka, xellmoddeachem itleam
sogott Cristavanche, je noich ietat-vetat Tujê Igorje lagchean, punn zaite zann
Tujêa Tabernacla euxilean porian, zuim Tum boleponnan rautai, akho dis ani rat
apoun ani veng marunk Tujêa bhavarteank ani torui punn te Tuka noman porian
korinastana vetat: ani he aple beporvaien dakhoitat apnnak kantalo aila mhonn,
oronneantleam Eudeam porim hea Sorginchea Man’nacho. Ani hanv Tuka bhettoitam
diuncheak farikponn osolea noixttea xellmoddeachem; Bhou Amolik Rogot, Tuvem
varoilelem ghaiantlem Tujêa dhavea paianchea, ani tea ghaiant hanv hozar ani
hozar pauttim mhunntam:
V.
Asirvad ani porkond ghoddieche ghoddie,
R. Zaum Bhou
Povitra ani Devaglea Sacramentak.
Êk Amchea Bapa,
Noman Moriê ani Onod Bapak…
II Uzvea Paianchea Ghaiak
Pornipat
ani Nomoscar hanv Tuka kortam, Êh Mhojêa Jesu! Hanv sotmandtam, hajir Tum asai
mhonn Bhou Povitra Sacramentant. Ani hanv sodtam hea nomoscarachea acta vorvim,
diuncheak farikponn Tuka, onupkarponnanchem itlea sogott Cristavanchem, je
polletat Tuka velolo nirbhageam piddestank zancheak tancho dhir tanche vattek
sasnnak; ani toruipunn te Tuka sandtat paro korinastana, ani bhailean êk
manachi khunna porian dakhoinastana. Ani hanv Tuka bhettoitam diuncheak
farikponn osole xellmoddeche, Bhou Amolik Rogot, Tuvem varoilelem, ghaiantlem
Tujêa uzvea paianchea; zantun hanv hozar ani hozar pauttim mhunntam:
V.
Asirvad ani porkond ghoddieche ghoddie,
R. Zaum Bhou
Povitra ani Devaglea Sacramentak.
Êk Amchea Bapa,
Noman Moriê ani Onod Bapak…
III DHAvea HATAchea Ghaiak
Pornipat
ani Nomoscar hanv Tuka kortam, Êh Mhojêa Jesu! Tum vortotai niz Unddo
Sasnnachea Jivitacho; ani hanv sodtam hea nomoscarachea acta vorvim, diuncheak
farikponn Tuka zaiteam ghaianchem Tujêa Povitra Callzak dispott’tte ghaltat
bhoxttaun Igorjo zuim Tum boleponnan rautai Soacramentachea rupa khal
gheuncheak Mog ani Nomoscar Tujêam bhavartheamcho. Ani hanv Tuka bhettoitam,
Bhou Amolik Rogot, Tuvem varoilelem ghaiantlem Tujêa dhavea hatachea, zantun
hanv hozar ani hozar pauttim mhunntam:
V.
Asirvad ani porkond ghoddieche ghoddie,
R. Zaum Bhou
Povitra ani Devaglea Sacramentak.
Êk Amchea Bapa,
Noman Moriê ani Onod Bapak…
IV UZvea HATAchea Ghaiak
Pornipat
ani Nomoscar hanv Tuka kortam, Êh Mhojêa Jesu! Tum vortotai Jivo Unddo
Sorgavelo dhenvlolo; ani hanv sodtam hea nomoscarachea acta vorvim, diuncheak
farikponn Tuka zaiteam bemananchem dispotte monxeanim kelele Mis aikota astana
zantun Tum Ogonnit Mogan porthun kortai toch Sacrifis, zacher Tuvem sompoileli
monxeakulachi Soddvon Calvar Porvotar. Ani hanv Tuka bhettoitam, diuncheak
farikponn iedea vhodda onupkarponnachem, Bhou Amoli Rogot, Tuvem varoilelem
ghaiantlem Tujêa uzvea hatachea, zantun hanv kortam ekttahaim mhojo tallo,
Boddveanchea tallea lagim, je zomtat Tujê bhounttoni; ani mhunntam tache borim:
V.
Asirvad ani porkond ghoddieche ghoddie,
R. Zaum Bhou
Povitra ani Devaglea Sacramentak.
Êk Amchea Bapa,
Noman Moriê ani Onod Bapak…
V KORHVOLLACHEA GHAIAK
Pornipat
ani Nomoscar hanv Tuka kortam, Êh Mhojêa Jesu! Tum vortotai khori Boli amchea
patkanchea farikponnachi; ani hanv sodtam hea nomoscarachea acta vorvim,
diuncheak farikponn Tuka soglleam bhoxttaunnechea nindanchi Tuvem ghetleleam
itleam sogott onupkari Cristavanche, zankam zata boll lagim soronk ani xevunk
Tuka Communhvant aple othme astana mha-patkant. Ani hanv Tuka bhettoitam diuncheak
farikponn osolea kanttaleanchea bhoxttaunniache, nimane thembe Tujêa Bhou
Amolik Rogtache, Tuvem varoileai ghaiantle Tujêa Korhvollachea, zantun hanv
rigtam Tuka nomoscar korcheak, Tujêr asirvad ghalcheak, Tujo Mog korcheak ani
mhunncheak somest othmeam sangata hea Sacramentacho Mog korteleank:
V.
Asirvad ani porkond ghoddieche ghoddie,
R. Zaum Bhou
Povitra ani Devaglea Sacramentak.
Êk Amchea Bapa,
Noman Moriê ani Onod Bapak…
Buzvonn Tabernaklantlea
Jesuk
V. Êh Dhonia Deva! Tuvem amcho khotkhotiancho
Mog kelai! Puro noi aslelem Tuka, ravlear hea Sacramentant disachoch jedna
Tujêam visvaxi ixttanchean Tuka sangat korum eta? Kosolo faido Tum alsear thuim
akhi rat, jedna Igorjo damptat ani monis vetat ap-aplea gharanim, dovorun Tuka
thuim êkloch? Hanv borem zannom, mogan ghatla mhonn Tuka he bondkonnint!
Ulopancho Mog Tujo amkam bondta Tujêm Calliz itlea vorn fasan ki Tum koddsorunk
sodinaim amche sorxillo, zanv disa zanv ratcho!
R. Mogalla Jesu, band mhojêm calliz Altarachea
panvddeak.
V. Ah Mhojêa Bhou Mogalla Sorvonddara! Hi khunna
Tujêa Opromit Mogachi, vorunk favo sogleam monxeank, ascheak Tujê mukhar, oxe
Tuka lobdolele thuimche bollan thoddun kuxin tankam kaddiver. Ani kuxin sorchem
poddtoch, tannim dovorunk favo aplem calliz mogan pettlelem Altarachea mullar;
kiteak tea Altarar Dev Monis rauta êklo ani damplolo Tabernaklant, dovorun
ugtte Aple dolle, amcho samball korcheak ani amchea gorzank paucheak ani ugttem
Aplem Calliz amcho Mog korcheak, sonsnaien ravun dis ude porian vengonvcheak
dusrean aplea mogacheam ixttank.
R. Mogalla Jesu, band mhojêm calliz Altarachea
panvddeak.
V. Khorench Mhojêa
Jesu! hanv otrektam korcheak Tuji khoxi. Hanv suskartam Tuka sogli mhoji khoxi
ani moipas. Mogachea Taroka! Mhojêa bhitor asa titleim, zanv khaltem Tujêa
Mogak; zoxem mhoji khoxi korne, sukh dadosponnanim as bhagovnnem. Tum Saiba za
Dhoni sogtacho.
R. Mogalla Jesu, band mhojêm calliz Altarachea
panvddeak.
V. Khorench Mhojêa
Moga, Deva Mogachea! Choloi Raj Tujêm mhojêa voir; Tum vhor zoit sogleam
vostuni mhojê thaim; Tum nopoit kor ani ulpai mhojê thaim mevot titleim jem
vortouta mhojêm ani noim Tujêm, Mhojêa Êkleach Moga! Nirmu naka Tum mhojo othmo
dusrea rochnnak lobduncheak. Mhojêa Deva hanv kortam mog Tujo ani Tujo
Êkleachoch sasnnank.
R. Mogalla Jesu, band mhojêm calliz Altarachea
panvddeak.
Porkonndunv,
Pornipat ani Mog korum upkaramnim borlele motin, Povitra Callzak Jesuchea, bhou
Povitra Sacramentant goddieche-goddie, somestam Tabernaklamnim sonvsarantleam,
sonvsar soro pasun. Amen.
Buzvonn Êksurea Jesuk
V. Êh Êksurea Jesu!
Tum asai bondkhnnint amchea Altarar. Tabernaklanat damplolo. Ani thuim bond
Tuka korunk nam êka patkean, punn Tujêach Mogan Tuka vela thuim rabunk. Ah!
kedo vhodd Mog Tujo amkam! Dhi amkam atam rojea lohu korunk koddsann ani
êksurponn Tujêm, Tujêa Tabernaklant lagim sorun ani Pornipat ani Nomoscar Tuka
korun.
R. Pornipat ani Nomoscar Tuka kortanv Communhanvantlea
Callza Jesuchea!
V. Soglleam Tabernaklanim sonvsarantleam ani
soglleam Hostunim Consagrar keleleam.
R. Pornipat ani Nomoscar Tuka kortanv Communhanvantlea
Callza Jesuchea!
V. Porzollit Dobajean, zantun Igorj Mat Tuka
mann dita, korun jinsanvar porbo hea Sacramentak Mogachea.
R. Pornipat ani Nomoscar Tuka kortanv Communhanvantlea
Callza Jesuchea!
V.
Thondd Mottacheam êksuream zageanr, callzanim Tujêam Ankvar Potinninchea
jeo gaitat Xelliek êk gaian Khotavinn Mogachem.
R. Pornipat ani Nomoscar Tuka kortanv Communhanvantlea
Callza Jesuchea!
V. Tabernaklanim
êkannem sanddleleam ani poixilean suatanr zuim monineanche moine Tuka konnunch
lekhina dulint Altarache.
R. Pornipat ani Nomoscar Tuka kortanv Communhanvantlea
Callza Jesuchea!
V. Tujê Tabernakla mukhar keleleam itleam sogott
Igorjanim; zuim Cristanv Tuka bortat okmannanim ani bemannanim.
R. Pornipat ani Nomoscar Tuka kortanv Communhanvantlea
Callza Jesuchea!
V. Zuim noixtte hat bhoxttaitat Consagrar keleli
Host; Igorjeche zomnir, vatteche dullint, koirache raxint …
R. Pornipat ani Nomoscar Tuka kortanv Communhanvantlea
Callza Jesuchea!
V. Umaum Tujo ghetat
Judasa porim asun callzam patkanim kuslelim.
R. Pornipat ani Nomoscar Tuka kortanv Communhanvantlea
Callza Jesuchea!
V. Êkvott korun Tujêam somestam ixttam lagim, je
Nirantor Nomoscar ani Nomoscarachea Hora vorvim ietat bhett korunk Tuka ani
divunk farikponn Tuka. Êh Deva bondkhonnint ravtelea!
R. Pornipat ani Nomoscar Tuka kortanv Communhanvantlea
Callza Jesuchea!
V. Horddeant mornnak
pauleleachea, zanem Tuka apoun addle aplea adarak; callzant mornnacheo vhoddi
suttleleachea.
R. Pornipat ani Nomoscar Tuka kortanv Communhanvantlea
Callza Jesuchea!
Sam Tomasacho
Nomoskaracho Act
V. Nomoscar Tuka hanv kortam, Devponnam
liplelea, jem hea rupa khal asa khorench gupit. Mhojêm calliz soglench Tuka
vondavta, kiteak niallun ho Mister, mhoji mot soglich guspota; dixt, ruch,
sansponnem fottouta; punn bhavartan zo kanantlean bhitor sorta, khorem
sotmandtam Tum asai mhonn thuim hajir.
R. Pornipat ani Nomoscar kortanv Jesuk, Santism
Sacramentant.
V. Sotmandtam soglem jem sanglam Putran
Devachea; nam dusri vost odik khori Jesun sanglea tachei-ki. Khursar aslelem
damplelem êkuch Devponn; punn hea Sacramentant liplam Monxeponn porian, torui
punn hanv sotmandun tim donuim soimbam khorinch hajir asat mhonn; magtam jem
maglem uzvea hatachea choran: “Dhonia ugddas mhojo kôr Tujêa Rajeant Tum
pautoch.”
R. Pornipat ani Nomoscar kortanv Jesuk, Santism Sacramentant.
V. Zorui mhaka dixtti poddonant ghai, zoxe
dixtti poddlet Sam Tomek, sodanch hanv Tuka mann ditam, mhojo Dev ani mhojo
Dhoni mhonn. Nirmi Saiba, hanvem sotmandcheak Tujêr, odik ani odik; nirmi
hanvem soglo mhojo bhorvanso theuncheak Tujêr, hanvem mog korcheak Tujo odik
ani odik.
R. Pornipat ani Nomoscar kortanv Jesuk, Santism
Sacramentant.
V. Êh Ugddasa Dhoniachea mornnachea! Unddea
Jivea, Zo dita jiv monxeak! Nirmi, mhojo othmo ani mhojêm ginean sodanch
jieuncheak Tujê khatir ani sodanch ruch mhaka ascheak itlea ghodda Khannachi.
Êh Dulloba Pelikana! Jesu Mhojêa, Santism Sacramenta! pekoi mhojê ghai Tujêa
Rogtan zacho êkuch thembo puro duvunk soglo sonvsar sogleam khotteponnam ani
vaittantlo. Mhojêa Jesu, zaka atam polletam liplolo, porathun magtam Tujê lagim
dhi mhonn mhaka bhag meucheak mhaka hanv itlem otrektam tem; dakhoun Sorgar
Tujêm Dev Mukhamoll korcheak mhaka dadoxi Tujêa Onodan.
R. Pornipat ani Nomoscar kortanv Jesuk, Santism
Sacramentant.
NIALL
“Mhozo jiv mornnachê tonnir paula”
(St. Mark Ch. 14 vr.34)
Êk
othmo khontic sampoddta mog korta team munxeamnim vo vostumnim taka fottoitoch.
Mhunntoch khont vortouta foll fototoulelea mogacho. Thoddo mog dita thoddi
khont, vhoddlo mog vhoddli khont ani ogonnit mog tech bhaxen dita ogonnit
khont. Atam Jesucho mog amche thaim vortoutalo xim ani mer nasloso. Hea pasun,
khuinchech rochnnek tankchenam thau gheunk Jesuche khonticho. Jesun amcho mog
korunk nam fokot ghoddsannicheam utramnim, Tachem akem jivit dita govai Tachea
mogachi amche thaim, punn êke kherit bhaxen Tachem Khursavelem morn; “Mogam poros vhoddlo mog vortouta ho: zor
tor iok munis aplo jiv dit zalear apleam ixttam pasun” ( Jo 15 vr.13).
Jesun
amcho mog kelo ani amche pasun Aplea jivachi bhett keli. Tannem amcho mog kelo
moro porian, Khursachem morn porian. Punn Tachea Khursak amim bhietanv. Jesun
milagri keleot koixtt sosunk; punn amim teo cortanv koixtt vattaunk. Ani hem
puro dakhounk ki amim Tacho mog corinanv mhonn sogllea amchea callzan thaun;
kiteak koixtt vortouta khorea mogachi katri. Mog zo toear nam koixtt sosunk,
aplea mogachea munxeam pasun, to voutouna khoro mog, toslo mog vortouta
apleponn. Hea pasun, zor tor amim Jesu pasun sosunk toear asanv zalear
amcheanui mhunnum et sogllea bhorvanxean ki amim Tacho mog koreponnich cortanv
mhonn. Amcheanuim mhunnum et ki amim vortoutanv mhonn kore Cristanv kiteak “Mog vortouta bhorti Sumurtichi” (Rom
13).
Thoddinch
karannam khoxe-monan koixtt sosunk. Kitem pasun amim mog korunk zai
koixttancho? Amim mog korunk zai koixttancho kiteak koixtt vortoutat dekun
khunnam Devachea mogachim amche thaim.
1 Êk bapui khast laita aplea bhurgeak kiteak
to tacho mog korta dekun. Kiteak taka zai aplo bhurgo vankddi vatt sanddun bore
vatten chol’lolo. Tech bhaxen Devui korta amche thaim, amcho mog korta dekun
amcher koixtt dhaddta: “Zacho mog korta taka To khast laita” (Hebr. 12 vr.6).
2 Êk dis Damasco xarache vatter Jesun dhornir
xevttailo êka Saulak uttounche pasun taka Paul ani korche pasun vinchun
kaddlelem aidon vorunk Aplem Nanv onbharvteam modekot. Ani konn vortoulo zait
privilej zo Tannem dilo hea vinchun kaddlelea aidonank? Hachi khobor uloun Jesu
mhunnta: “Tor Hanv taka dakhoitolom
kitlem tannem sosunk zai tem Mhojêa Nanva pasun.” (Act 9 vr.15) Mhunntoch êkuch privilej Devan
vinchun kaddleleancho vortouta tannim koixtt sosunk Tachea Nanva pasun. Amim
vortoutanv vinchun kaddlelim aidonam jednam amchea Deva pasun amim koixtt
sostanv.
3 Deva Bapan mog kelo Jesucho êka Ogonnit
Mogan. Tannem sobhemazar don pautthi porgottun dilem, ki To vortouta mhunn Aplo
Mogacho Put zacher Tannem Aplem dan ani mon dovorlelem. Punn Ogonnit Mog korta
astanam ho Mogacho Bap Aplea Putak Khursachea mornantlo vattaita zait? Na,
kiteak Devacho Mog koixttancho ani dukhincho dusman noi; Devacho Mog koixttank
ani dukank veng zalear marta.
Ah!
Mhojêa Jesu, kitle pautthi Saiba hanvem xinn kela mhojêr khonti etoch, jednam
hanvem Tuka argham diunk zai asleli heam Tujêam mogacheam khunnam pasun.
Sogglea callzan thaun hanv aiz dukh dhortam Mogachea Jesu ani jednam aiz Tuvem
maka ugttem korun dakhoilaim ki koixtt vourtotat mhonn bhogor khunna Tujêa
mozur mogachim mhojê thaim. Nirmi Saiba hea fudde te hanvem gheunk khoxe-monan.
Mhoji durbollkai mhojê familiche huske ani khonti, jivitachi augoddai, mhojêm
duens, mhojêo addkholli ani osokthaieo hem sogllem hanv ghetolom Tujê upkar
attounk. Mhojêam boream korneancheo gozali kortoch, mhojêa manacher add
uloitoch, naka-nakestim mozo gunianv kortoch he soglle koixtt hanv Tuka
bhettoitolom Mogalla Jesu ani he baxen hanv dakhoitolom ki hanv Tuzo
khoreponnim mog kortam mhunn. Ani him khunnam mhojêa mogachim unnim korteli
thoddi punn koddsan Tujêa êka ojeapa vorvim mornache tonnir paulelea Callzachi
ani maka meuteli buzvonn, hanv zaunk paulom mhonn Rakhnno Borvo mhojêa Dhoniacho.
Farikponnachi Ladain
Ah Jesu! amchea Deva ani
Sorvonndara, ghal Tujê Cakutichi nodor amche voir, Tujim bhurgim, jim ekttaim
zaleant êkach bhavarthachea, farikponnachea ani mogachea ekvottan, roddunk
onupkarponnam noich amchim punn tea bhair, babddeam soglleam patkeanchim.
Favo
kôr Saiba amim Tujêm Calliz movallunk, bhasaunneam vorvim, jim soglle êkach
talleant ani sobhemazar atam korche asanv. Tuji Cakut magunk amkam soglleam
monxeank ani êke kherit bhaxen he-team nirbhageank, jê Tujo Mog korinant.
Zabab: Amim Tuka
buzvonn diteleanv, Êh! Dhonia.
Amim
Tuka bhas ditanv ki fuddarak, Amim Tuka buzvonn diteleanv, Êh! Dhonia.
Monis
Tuka onupkari zaun visortit tednam, Amim Tuka buzvonn diteleanv, Êh! Dhonia.
Tujêa
Povitra Tabernaklant Tuka êksuro sandd’tit tednam, Amim Tuka buzvonn diteleanv, …
Bemanam
vorvim Tujêo Igorzo boixtaitit tednam, Amim Tuka buzvonn diteleanv, Êh! Dhonia.
Patkeancheam
krimim pasun, Amim Tuka buzvonn diteleanv, Êh! Dhonia.
Amim
nimit dilam team patkam pasun, Amim Tuka buzvonn diteleanv, Êh! Dhonia.
Kotteam
monxeanchea kirodha pasun, Amim Tuka buzvonn diteleanv, Êh! Dhonia.
Tuvem
vinchun kaddlele, Judevanche porjeche nibrasani pasun, Amim Tuka buzvonn diteleanv, …
Herezinchea
gatkeam khotteponna pasun, Amim Tuka buzvonn diteleanv, Êh! Dhonia.
Tujêr
okmananchim utram uloitat tednam, Amim Tuka buzvonn diteleanv, Êh! Dhonia.
Tujêa Devponnacher okman kortit tednam, Amim Tuka buzvonn
diteleanv, Êh! Dhonia.
Beporva korun Povitr Sacrament boxttaitit tednam. AmimTuka buzvonn
diteleanv, Êh! Dhonia.
Sakrilej adarun Tujêa Mogacho Sacrament boxttaitit
tednam. Amim
Tuka buzvonn diteleanv, …
Tujê
hujir beman ani lojecheo korneom adartit tednam, Amim Tuka buzvonn diteleanv, Êh!
Dhonia.
Nomoskar
favo astanam Boli zavun okman sonstai dekhun, Amim Tuka buzvonn diteleanv, …
Tujêa
Altaracheam panvddeam mukhar ami xell-modde dekhun, Amim Tuka buzvonn diteleanv, …
Tujim
choddxim bhurgim Tujê thaim xell - moddaiechim dekhun, Amim Tuka buzvonn diteleanv, …
Goddie pautti Aitar-Sont moddtat tanche pasun, Amim Tuka buzvonn
diteleanv, Êh! Dhonia.
Tujêa Mogall apovnnianchi beporva kortat tanche pasun, Amim Tuka buzvonn diteleanv, …
Tujê ixtt mhonn apleakuch
pachartat, te Tuka visvaxi ravonant dekhun, Amim Tuka …
Tujê
Kurpecho ibadd kortat tanche pasun, Amim Tuka buzvonn diteleanv, Êh! Dhonia.
Aminch
Tuka bhas dileli moddli dekhun, Amim Tuka buzvonn diteleanv, Êh! Dhonia.
Zannim
Tujêa Dukhest Kallzak bhuzvonn diunk zai asul’li, tech Tujêr okman kortat
dekhun, Amim Tuka buzvonn diteleanv, Êh! Dhonia.
Amcheam
kallzanche hede vhoddle niborsani pasun, Amim Tuka buzvonn diteleanv, Êh! Dhonia.
Tujô
Mog korunk besarmaien patti ravlianv dekhun, Amim Tuka buzvonn diteleanv, Êh!
Dhonia.
Tujê
chakre vixim amim xell-modde dekhun, Amim Tuka buzvonn diteleanv, Êh! Dhonia.
Povitr
Mister choltanam, amchem mon ani calliz tancher amim dovrinanv dekhun, Amim
Tuka buzvonn diteleanv, Êh! Dhonia.
Otme
pirder zatat mhonn, Tuka vhoddli khont bhogta tea pasun, Amim Tuka buzvonn diteleanv, …
Amchea
kallzanchea dara bhair Tuka ubo dovorlo dekhun, Amim Tuka buzvonn diteleanv, …
Porza
sobemazar crimim adartat ani Tujê sotek addkholl ghaltat dekhun, Amim
Tuka …
Kalliz
nasul’lea porim beporva korun Tuka dukhoitat dekhun, Amim Tuka buzvonn diteleanv, …
Tujêam
Mogall Suskaram pasun, Amim Tuka buzvonn diteleanv, Êh! Dhonia.
Tujêam
Mogall Dukham pasun, Amim Tuka buzvonn diteleanv, Êh! Dhonia.
Tujê
Mogache bondkhonni pasun, AmimTuka buzvonn diteleanv, Êh! Dhonia.
Tujêa
Mogachea mornna pasun, Amim Tuka buzvonn diteleanv, Êh! Dhonia.
Prarthum-ia
Êh Jesu! Dev Sovonnddara,
Tujêa Kallzan thaun bhair sorlo to dukhicho xinn: “Hanvem pollelo konn punn Mhojê
Dukhin vantto ghetolo; ani Mhaka nam dislo; ani konn punn Mhaka bhuzvonn
ditolo; ani to nam meullo”. Kakutin mandun ghê hi il’lixi bhuzvonn, ji
amim Tuka ditanv; ani Tujê Podvedar Kurpen amkam adar di, fuddarak punn amim
vattaunk, jem Tuka mandonam tem, ani dakounk soglleam vostumnim, soglleam
suatanr ani sodankal amim vortovtanv mhonn Tujim chodd visvaxi ani mogachim
bhurgim. OXEM ZANV.
(Atam thoddoch
vogot ontoscornachi choucoxi kôr vicharun tujêch kodde koxe bhaxen tuvem
sambaullea te tujê visove mhunnge: patkam jim tuvem adarleaim: dolleamnim, cananim, jiben, hatanim, motin
ani chintnen. Uprant Dev Mogacho Dukhicho Act mhunn, chuk
keli mhonn ogonnit borea Devacher, zannem Tuzo itlo mog kelo ani bhorlo tuka
itleam sogott denneamnim…Xekim ioc ghott nicheu kôr, vavurtoloi mhonn vattaunk
gunianv iekach visoveache, zo tuka chodd pavtthi ani chodd sompeponni vorta
moddunk Devache upordes.).
Dev Mogache Dukhicho ACt
Mhojêa Deva, / Tum sorv boro / ani sogllea
mhojêa callzan, hanv Tuzo mog kortam dekhun, / hanvem Tuka okman kelet mhonn,
mhaka dukh bhogta, / ani Tujê Dev-kurpechea adaran, / mhojêm jivit bodlunk ani
kedinch Tuka, novean, okman korina zaunk, / ghott nichev kortam ; mhojêam
guneanvanchem bhogsonnem magtam, / ani Tujê ogonnit kakutin, tem mhaka ditoloi
mhonn patietam. Oxem Zanv.
Jesuchea Povitra Ani Ankvar Moriêchea
Khotavinn Callzak Consagrasavancho Act
Mha Dulloba Jesu, monxakullachea
Soddvondara, Tujê mukhar amim sorpottlolim asanv, amcher Tuji doiall nodor
ghal. Amim Tujim ani Tujinch amim zaunk sodhtanv; ponn thir bandpasamni amcho
êkvott Tujêa kodde korcheak, aichea disa, amche bhitorlo zonn êklo khoxe monan
Tujêa bhov Povitra Callzak apnnachi bhett korta. Sabar monxamni Tuka kedinch
ollkhunk nam; sabar monxamni Tujêam upordesanchi beporva korun, Tuka patt
voll’lea. Êh Bhou Doialla Jesu, hanche ani tanche churchure korun, tankam
somestank Tujêa Povitra Callza thaim oddun hadd, Tujê sorxilim kedinch
koddsorunknant team bhavartheanchoch nhoi ponn Tuka sanddun geleant team
bhurgeancho porian Tum Patxai za. Dolldirponnan ani upasamni tim morona
zauncheak veginch tim Bapachea ghora portoxim kôr. Apunuch fôttoun, chukinim
jiêtat tanchoi Tum Patxai za. Tim soglim êkuch hindd ani êkuch Gonvlli zanvchea
pasun tankam sogleank sotachea bondrak ani bhavarthachea êkvottak portim apoun
hadd. Saiba, Tujê Povitr Igorj Matêk sogleam vignantli nivar ani oddchonneam
meklli korun Tika sotea di; sogleam porzank sovostai ani êkttar di, sonvsarache
êke ximer than dusre ximer porian êkuch sobd sadonk nirmi, soddovonn haddlea
tem Dev Calliz sodoiv zaum. Onod ani Man Taka sasnanchea sasnank. AMEN.
Povitr Ruzariche
Ranniê
ani monxakullache Mogall Maiê, Povitr Callzache aundde bhagoi ani Tujêa
Putrachea Vigara khatir amchi ani amchea kuttumbanchi bhett Tujêa Khotavinn
Callzak kortanv ani sogleam kuttumbam pasot magtanv. Amchi bhett Tum mandun ghê
Mogall Maiê ani Tujêo iêuzonneo sonvsarant xarti pavounk amkam vapor.
Sorga
ani sonvsarache Maiê, amcher Jesuchea Callza borobor Tuji amcher Rajvott
choloi. Atanchea vaitt onbhavarthponnantle, amkam nivar amcheam kallzamni ani
kuttumbanim nirmoll ponnacho mog pettoi ani Cristi jivit vaddoi, atme zoddchi
ani kuttumbachea bhagivontponnachi hurba di. Vhode visvasan, Tujê Kurpechea
Trona mukhar amim Nirmoll Maiê iêtanv; teach Deivik ujêant amkam ulpai.
Amchim
callzam ani kuttumbam Tujim mondiram kôr ani Jesuchea Callzachem Raj sonvsarantlea
dor kuttumbant zoitivont zaixem kôr.
Jesuchea ani
Moriêchea Callzank Mann ani Onod mellum sasnanchea sasnank. AMEN.
Magnnem
Ogonit
bolleponanchea Jesu,
monxea-kulacho Tuvem itlo Mog keloi ani tannem Tujo Mog korcheak, itlem keleim
astanam koxem goddta zait ki Tujo itlo thoddo mog korunk? Hanv punn hea
onupkariam monxeantlo zaunchonam; mhaka khoxi Tujo Mog korcheak sogllea mhojêa
callzan than ani moro poriant. Di Saiba, mhaka hi Curpa Tujêa Bhagivonti
Maiêchea mozotin. AMEN.
Farikponnancho ACt
Ghoddla Pio XI, Papa
Saiban ani formailam korcheak
Jesuchea Callzachea Porbechea disa.
Mha Dulloba Jesu, Tum dektai
onupkaream monxeanchi visor, besarmai ani beporva Tujêa Opromit Moga sovem. Tor
amim anga hazir asanv, sorpottun Tujêa Altara mukhar, farikponn Tuka diunk êke
kherit bhette vorvim, edea vodda pixea boireaponnnchem ani sorv okmananchem, jê
soglea sonvsarant bhogta Tujêm Bhou Mogall Kalliz. Vhodda sontapan amchea
kallzachea, ollkotanv aminch porian, sabar pauttim adarleant mhonn tinch
khotteaponnam ani tea pasun poile suater, magtanv Tuji Kakut, raji asun, nuinch
amcheam guneauvanchem farikponn Tuka diunk, bogor he tancheam jê zollpon
salvasanvanchea marga pois rabunk sodtat aplea onbhartponant, mandinastana
Tuka, aplo Raknnô ani Gonvlli mhonn; vo zannim mostun Bautismancheo basaunnêo,
zaddun uddoilam aplea velem, itlem lohu vojem Tujêa Povitra Xastrachem. Tuka
Dhonia, aiz farikponn amim ditanv, heam sogleam edeam vhoddam kotteponnanchem,
bhou korun noxtteam korneanchem ani moriad nasleleam nespachem, vait dêk diun,
peleachem nirmollponn ogddaiteleanchem. Aitar-Sontachem moddinchem. Tujêr ani
Tujêam Bhoktancher, kanttaleancheo devninda uloiteleanchem, Papa Saibacher ani
sogleam Padrincher okmananchem; beporva, sakrilej ani boxtt Dev-Mogachea
Sacramentak kelelianchem; xekim vhoddam opradam ani kholponneachem, jem Tujê
Igorjêche xinkounner ani podver addtat; des, lok ani serkari monis. Ah! tanktem
zalear amcheach rogtan dutanv, itlim khoteponnam. Sod’dea Devak okman keleat tê
borun diunk, ani Tuka bhettoitanv, Ankvar Moriêchea sogleam Bhoktam ani Xegunni
monxeanchea punneam sangata, hem tem ogonnit farikponn, jem Tuvem dilaim
Khursar Deva Bapak ani jem bhettoitai disachea disa amchea Altaracher. Punn,
Dhonia amkam Tujê Kurpechea adaran zoso khoro nicheu amim kela, jivea bavartan
nirmoll korneanim sarki pallun Vangelaveli Sumurt ani moipas, farikponn diunk
soglleam amcheam ani peleacheam patkanchem ani voddun addunk zata title otme
Tujê xevek. Ghê! Êh Bhou Doiall Jesu! Farikponn ditele Bhagivonti Moriêche
mozotin, khoxechi bhett hea amchea farikponnachi ani di amkam êk vhodd Curpa,
visvasan pallunk morover amche kaide ani korun Tuji Povitr xeva, paunchea
khatir sogott Sorginchea sukak, zuim Tum Bapa ani Spirita Santachea sangata
jietai ani Razvott choloitai Deva sodam sorvotam. OXEM ZANV.
Monxeakullachi Bhett
Jesuchea Povitra Callzak ji xikoilea Leão XIII ani Pio
XI Papa Saibanim ani formailea korcheak Christ
Raiache Porbechea disa.
Mha-Dulloba Jesu, monxeakullachea
Sorvonddara, ghal êk Tuji doiall nodor, amche voir, jê khalteponnim asanv
sorpottunTujêa Altara mukar. Amim vortoutam Tujê ani Tujêch amim zaunk sodtanv,
thir bandpasamnim amcho ekvott Tujê lagim korcheak zonn êklo amche bhitorlo,
khoxe monan apnnanchi bhett, aichea disa korta, Tujêa Bhou Povitra Callzak.
Sobaram monxeanim, kednanch Tuka ollkunk nam, sobaranim beporva korun Tujêam
upordesanchi, Tuka patt voulea. Êh Bhou Doialla Jesu, churchure korun hanche
ani tanche, vhoddun add tankam somestank Tujêa Bhagivonta Callza thaim.
Za
Saiba, Patxai noinch bhavarteancho, jê Tujê sorxile, kednanch koddsorunk nant
tancho, bogor vechik putrancho porian, jê Tuka sanddun geleat. Portoxe kor tê
veginch, Bapachea ghorak, moronam zauncheak te doldirponant ani upasanim. Za
Saiba, Patxai apunn fottoun, chukimnim jietat tancho. Porte apoun add tankam
somestank, sotachea bondrak ani bhavartachea ekvottak, zaunchea pasun veginch Êkuch
Hind ani Êkuch Gounlli. Za Saiba, Patxai somestancho, jê azun asat buddlele
kollokant Konkonponnachea ani Musolmanponnanchea. Ani khonchoun kaddun
thuinche, pavoinastana ravunaka tankam somestank uzvaddak ani Devachea Rajeak.
Porot xekim Saiba, Tuji Cakutichi nodor, putram voir te porjecheam, ji vortouli
êka tempar, Tunvem vinchun kaddleli. Mangam tempar tannim maglelem buzcheak
apnnam voir, Rogot Sorvonddarachem, atam tench Rogot devunk pavun tancher,
zaunk paus Soddvonnincho. Nivar Saiba, Tujê Igorjek, sogleam vignantli, ani dhi
Tika niz sotea oddchoni meklli. Dhi sogleam porzank sovostai ani ekttar. Nirmi
sonvsarache êke ximer than dusre ximer porian sadonk êkuch sobd:
Sodov zanv Dev Calliz, Zannem amkam addlem Salvasanv,
Onod ani Mann Taka, sasnnanchea sasnnak. Oxem
Zanv.
Sant Pio X, Papa Saiban Ghoddlolo Bhettecho ACt
Povitra Callza
Jesuchea,
Tunvem Bhagivont Margarida Mariak kolloileim dekhun Tuji khoxi mhonn Raj
cholouncheak Cristavam ghorabianim; aiz amim soglle anga ekttaim zalianv
vakandduncheak Tuka hea amchea kuttumbacho Pormesvor Dhoni ani Patxai mhonn.
Jieunk
sodtanv Saiba amim aiz legun Tujêa Jivitache dekhi promonnem; zai amkam amchea
ghorabeant nondlele ani voslele sorv te xegunn zankam Tunvem bhasaileai,
sovosthai hea sonvsarant; ani otrektanv amche bhitorlo nikhlaunk sogllo khotto
mog sonvsaracho zacher Tunvem xirap ghalai.
Tor,
ie Dhonia ani choloi Tujêm Raj amcheam gineanam voir, uzvaddaun tim sadea
bhavartan; choloi Raj amcheam kallzam voir, pettoun tim sogllinch Tujêa Mogan;
ani amim pavon zaite pautt Povitr Communhanvanchea mezar; choddoso kor amcheam
kallzanim to Tujo Povitr Mog chodd ani chodd.
Magtanv
Povitra Callza, za mhonn Tum Mukheli amcheam zomatincho ani besanv ghal mhonn
amchea vaura-dhondeacher, otmeanchea ani kuddichea; magtanv nivar mhonn
amchevele soglle akant ani uske; bhagivont kor mhonn amchem sukh ani sontos;
ani lohu kor mhonn amcheo dukhi ani khonti.
Zor
kednaim konn amchea bhitorlo pavot aplea kud’deponnan adarunk Tujêr okman,
tednam ugddas kor Bhou Konvolea Callza Tum vortotai mhonn torui punn Mogall ani
Kakutsar patok roddteleam sovem. Ani jedna pavot vogot amim hea sonvsarantle
koddsorche, jednam birankull morn addit dukh amche modhem, tednam porian amim
somest zanv sonvsarantle bhair soron ventanv te, zanv hanga urtanv te zateleaum
raji ani khalte Tujêa sasnancheam formonnak. Tednam amim buzvonn gheteleanv
chintun ki aiz na faleam ietolo mhonn êk dis, jea disa ho ghorabo dusrean
ekttaim zatolo Sorga Rajeant porkonddunk sodankal Boddveam sangata Tujo Onod
ani Tujê Upkar.
Moriêchea
Khotavinn Callza
ani Bhagivonta Patriark Sam Jose vinoti korat amche pasun ani hi amchi bhett
mandoxi korat Jesuchea Povitra Callzak; ani nirmi nakat vecheak ho aichea
disacho ugddas amche motintlo amim nimanno ulas soddi pasun.
Jesuchea Callzacho Têrs
Khursar contachea
Christachea
Othmea,
Bhagivont mhaka kôr
Christachea Kuddi, Salvar mhaka kôr
Christachea Rogta, Sontosborit mhaka kôr
Christachea
Koddvollachea Udka,
Nirmoll mhaka kôr
Christachea
Koxttando, Ghottai mhaka
diat.
Êh Mhojêa Jesu doien mhaka aik, Tujêam Povitr
Ghaiamnim mhaka lipoi, nirmi naka Tujê sorxilo hanv koddsorunk, deuncharachea
khotteponnantlo mhaka nivar. Mhojêa mornanchea vogtar mhaka pav ani Tujê sorxim
mhaka apoun vhor, Tujêa Bhagivontanchea sangata Tuka vakand’dunk sasnnanchea
sasnnank.
Oxem Zanv.
Motteam
foddeancher (1 pautt)
V. Bollea ani
nenttuvaiechea Callza Jesuchea.
R. Kôr
mhojêm kalliz, Tujêa Callza sarkem.
Daktteam
foddeancher (10 pauttim)
V. Dulloba Callza
Jesuchea.
R. Za Tum mhojo mog.
Dor
khonn somptoch (1 pautt)
V. Dulloba Callza
Moriêchea.
R. Za Tum mhojêm
salvasanv.
Panch
khonn somptoch (xevttim 1 pautt mhunn)
Povitra Callza Jesuchea, Tum amche churchure kôr.
Khotavinn Callza Moriêchea, amche pasun vinoti kôr.
CHOTRAI:
Jesuchea Callzacho
Têrs kortana khala dil’lea intensavam pasot panch khonn bhettoi:
1. Poilo Khonn: Herezinchea ani onbavarteanchea okmanam
pasot farikponn diuncheak.
2. Dusro Khonn: Christavam porim jieunastanam Devak okman
kortat tanchea farikponna pasot.
3. Tisro Khonn: Aminch zonn êklo Devak okman kortat tachea
farikponna pasot.
4. Chouto Khonn: Amchi kallzam
Moriêchea Khotavinn Callza sangata Jesuchea Dulloba Callzak bhettounk.
5. Panchvo Khonn: Curpa magunk, êka
Sompurnaechea Mogachi Jesuchea Povitra Callzak ani otreg somestanchea boreak
vaurunk.
Jesuchea Callzachi Ladain
Dhonia
amchi kakut kôr, Dhonia amchi kakut kôr.
Crista
amchi kakut kôr, Crista amchi kakut kôr.
Dhonia
amchi kakut kôr, Dhonia amchi kakut kôr.
Crista
amkam aik, Crista doien amkam aik.
Deva
Sorginchea Bapa, amchi kakut kôr.
Deva Putra sonvsarachea
Sorvondara, amchi kakut kôr.
Deva
Spirita Santa, amchi kakut kôr.
Santism
Trinidadi, Êkleach Deva, amchi kakut kôr.
Jesuchea Callza, Sasnanchea
Bapachea Putra, amchi kakut kôr.
Jesuchea Callza, Ankvar Maiêchea
kuxint Deva Spirita Santan goddlelea, amchi
kakut kôr.
Jesuchea Callza, Dev Putra lagim
Soimbinch ekvott’lelea, amchi kakut kôr.
Jesuchea Callza, Ogonnit
Dobajiachea, amchi kakut kôr.
Jesuchea Callza, Bhagivont Dev-Templa, amchi kakut kôr.
Jesuchea Callza, Sorvesporachea
Thikanna, amchi kakut kôr.
Jesuchea Callza, Devachea Ghora
ani Sorginchea Darvonthea, amchi kakut
kôr.
Jesuchea Callza, Dev- Mogachea
Zolltea Agttea, amchi kakut kôr.
Jesuchea Callza, Nitichea ani
Mogachea Aidona, amchi kakut kôr.
Jesuchea Callza, Bolleponnan ani
Mogan Bhorlelea, amchi kakut kôr.
Jesuchea Callza, Sorv Xegunnanchea
Thav naslelea Sagora, amchi kakut kôr.
Jesuchea Callza, Sorv Onod favo
zalelea, amchi kakut kôr.
Jesuchea Callza, Somest
Kallzanchea Dhonia ani Maza, amchi kakut
kôr.
Jesuchea Callza, Zantun asat
Zanntikaie ani Zannvaiechim Sorv Bandaram, amchi
kakut kôr.
Jesuchea Callza, Zantun vosta
soglli Devponnachi bhorti, amchi kakut
kôr.
Jesuchea Callza, Zaka Dev-Bap
Sogloch manoula, amchi kakut kôr.
Jesuchea Callza, Zachi bhorti amim
Somest bhogtanv, amchi kakut kôr.
Jesuchea Callza, Sasnancheam
Dongranchea Otrega, amchi kakut kôr.
Jesuchea Callza, Sosnnikaechea ani
Ogonit Kakutichea, amchi kakut kôr.
Jesuchea Callza, Somestank Tuka ulo
marteleam thaim giresta, amchi kakut kôr.
Jesuchea Callza, Jivitachea ani
Bhagivontponnache Zhori, amchi kakut kôr.
Jesuchea Callza, Amchea patkamchea
farikponna, amchi kakut kôr.
Jesuchea Callza, Okmananim bharim
bhorlelea, amchi kakut kôr.
Jesuchea Callza, Amcheam
khotteponnam pasot khontiborit zalelea,
amchi kakut kôr.
Jesuchea Callza, Moro porian
khaltem zalelea, amchi kakut kôr.
Jesuchea Callza, Balean
vidarlelea, amchi kakut kôr.
Jesuchea Callza, Sorv Buzvonneche
Zhori, amchi kakut kôr.
Jesuchea Callza, Amchea Jivita ani
Jivontponna, amchi kakut kôr.
Jesuchea Callza, Amchea Sovosta
ani Somadona, amchi kakut kôr.
Jesuchea Callza, Patkeanche Bolie, amchi kakut kôr.
Jesuchea Callza, Tujêr
Patieteleanchea Salvasanvam, amchi kakut
kôr.
Jesuchea Callza, Tujê Thaim
morteleanchea Borvanxea, amchi kakut kôr.
Jesuchea Callza, Somestam
Bhagivontanchea Dadosponna, amchi kakut
kôr.
DEVACHÊ XELLIÊ, sonvsarachim
patkam kaddtele, amkam bhogos Saiba.
DEVACHÊ XELLIÊ, sonvsarachim
patkam kaddtele, doien amkam aik Saiba.
DEVACHÊ XELLIÊ, sonvsarachim
patkam kaddtele, amchi kakut kôr.
V. Jesu, Bollea ani
Nennttuvaiechea Callzachea,
R. Kôr amchem calliz,
Tujêa Callza sarkem.
Prarthum-ia
Sorvespora ani Sasnanchea Deva, nodor ghal
Tujêa bhou pritivont Putrachea Callzaver ani porkonnda ani farikponnaver, jim
patkiam pasun Tannem Tuka bhettoilint ; ani Tuji Kakut magteleank
bogsonnem di, thonddavun Nanvan Teach Tujêa Cristachea, Zo Tujêa sangata jieta
ani Rajvott choloita, Deva Spirita Santachea ekvottan, sasnanchea sasnank. OXEM
ZANV.
Bara Basavnneo Bhokti Korteleank (to edit / correct)
Amchea Dhoni Jezu kristan Sant Margaret Mariek aplem dorxon
dilem 1673 te 1675 hea vorsam bhitor.
Jim Utram Jezu uloileam, tea modlea,
Jezu Korta tim, bara koblatachim utram tinnem aikolim, hi Koblat Jezu
korta tea monxam sovem jem zobab ditolem , Jezuchea roddon agro kortolea
kallzak toxech Proitn kortolem , appunui portun Jezuk mog dhakoun. Sant
Margaret Marien ek pavvti mhonnlem, “ Hanv nokllo , dusrim anik khuichim
kosroth (exercise), atmik jivitant jo eka atmeak eka lhan kinnant sompurm
panvddear voir kaddta and taka chakunk dita ti khori ghoddsann ji mellta -
Jezuchem sevent
Bara
Basavnneo Bhokti Korteleank favo zateleo mhun Jezu Sant Margaridak Kholloilem
Dor eke koblati fatllean , zobab oso: ( R ) AMI HI KURPA MAGTANV
1) Mhojeam visvaxi chakrank tanchea bhesak gorjechi sogli krupa Hanv ditolom ( R )
2)Tancheam familimnim sovostkai hanv haddtolom ( R )
3)Tancheam dukhim-khontimnim tankam Hanv bhuzvonn ditolom. ( R )
4)Jivitant ami bhov korun melea uprant, tancho thor asro Hanv zaun astolom. ( R )
5) Sogllea tanchea vavra-dhondeacher subam bhesanvm Han ghaltolom. ( R )
6) Mhojea kallzant, patkeank ek zhor ani mitmer naslolo kakuticho somdir meltolo. ( R )
7) Xellmodde otme, khotkhotit zaun vetele. ( R )
8) Khotkhotit oatmea veginch unch sompurnnaiek pavtele. ( R )
9) Jeam ghorabeamnim Mhojea povitr Kallzacho rupkar sobhemazar dovrun taka man diit zalear, team ghorabeancher Hanv axirvad ghaltolom. ( R )
10) Mhoji Bhokti korteleam padrink, bhov dharunn kallzam legun movalluncheak Hanv kurpa ditolom. ( R )
11) Hi Bhokti porgott”tat tanchim nanvam Mhojea Kallzachear boroilelim astelim ani thoinchim tim kedinch pusun vichemnant. ( R )
12) Mhojen Kallzach ogonnit kakutin, Hanv tuka bhas ditam: Soglleank
eksarke nov mhoinea - cheam poileam sukraram Saib gheteleank, nimanni kurpa,
mojo sorvpodvedar mog ditolo; Mhoje dusmankaient, nhoi mono sakrament
ghenastanna tim morchinant tea nimannea vellar Mhojem Dev-Kalliz tancho thor
tharo zaun astelem.( R )
Borem Morn Zoddunk Magnnim
Êh
Dhonia Jesu borveponnachea Deva ani Cakutichea Bapa, hanv Tujê sorxem etam
gheun mhojêm calliz dukhin ani lahnvicaien bhorlelem; Tujê adhin hanv kortam
nimanni ghoddi mhojêa jivitachi ani hi-ti nit ji maka ravta mhojêa morna
uprant.
Mhojê
paim muenn morunk lagtoch, te maka sangtelet mhoji vatt hea sonvsarant xevottak
laguim pavta mhunn, tea vogtar:
Cacutsara Jesu, Tum mhoji cacut kôr.
Mhojê
hat, thondd-gar zaun coddcoddunc lagtoch tanche laguim ghoddchenam Tujêa
Khursak veng marunk ani mhojê khoxe bhair to Khuris hanv poddunk ditolom,
mhojêa coixttanche khattir tea vogtar:
Cacutsara Jesu, Tum mhoji cacut kôr.
Mhojê
dolle, morn laguim pavtoch goirue zaun bodoltelet ani tanche laguim ghoddchenam
Tujêr nodor marunk, mhozo êkuch nimanno bhorvanso, tea vogtar:
Cacutsara Jesu, Tum mhoji cacut kôr.
Mhojê
hontt, dove ful zaun coddcoddunc lagtoch, tanche laguim ghoddechenam nimanne
pautthi Tujêm Povitr Nanv ucharunc, tea vogtar:
Cacutsara Jesu, Tum mhoji cacut kôr.
Mhojêm
sarkem, rogtavinn dovem ful zaun churchuraitelem calliz maka polleteleanchem;
mhojê kens mornancho gam eun biztoch ani uprant nibor zatoch maka sangtelet
mhozo xevott laguim pavla mhunn, tea vogtar:
Cacutsara Jesu, Tum mhoji cacut kôr.
Mhojê
can, dhamptelet munxeanchim utram aninc kednanch aiconam zaunk ani ugtte
zatelet, Tujê nitichem formonn aikunc jem tharaitelem mozo sannacho xevott, tea
vogtar:
Cacutsara Jesu, Tum mhoji cacut kôr.
Mhoji
mot, bhiranticheam rupcaram vorvim babortoch buddteli êka khontichea somdirant;
mhozo othmo pollelea uprant mhojim khotteponnam ani khorai Tujê nitichi
soglloch camptolo ani zuztolo kallukacheam anjeam laguim, je vavurtelet Tuji
cacut lipounc ani maka niraxi corunc, tea vogtar:
Cacutsara Jesu, Tum mhoji cacut kôr.
Mhojêm
babddem calliz, dukhim modecot chiddon ani salvasanvanchea dusmana laguim
thambonastanam zuzun oskot zatelem ani mornacheo dukhi sonstelem tea vogtar:
Cacutsara Jesu, Tum mhoji cacut kôr.
Mhojim
dukham, jim adim fuddench sangtelint mhojêm morn laguim pavlam mhunn, tim
mhojêam dolleantlim govttoch, ghe Saiba mhojêam patcanchea faricponnachi bhett
coxi; maka favo kor nimanno suscar soddunc êk pirajitachi boli coxi ani tea
bhirancull vogtar:
Cacutsara Jesu, Tum mhoji cacut kôr.
Mhojê
ixtt ani soire, mhojê khatti bhonvtim ekttaim zaun maka churchurtelet ani mhojê
pasun Tuji cacut magtelet, tea vogtar:
Cacutsara Jesu, Tum mhoji cacut kôr.
Soglle
mhojê visove bond zatoch; ho sonvsar mhojê dixtti mukailo pollun vetoch, mhozo
otmo mornache tonnir pavun tacheo dukhi bhogtolo, tea vogtar:
Cacutsara Jesu, Tum mhoji cacut kôr.
Mohozo
nimanno suscar suttun, othmo cuddintlo bhair sortoch ghe Saiba ho suscar êk
khunnam coxi mhojêam anvddeanchi Tujê sorxem eunk ani tea vogtar:
Cacutsara Jesu, Tum mhoji cacut kôr.
Jednam
mhozo othmo coddcoddteiam honttancher ravun hea sonvsarac nimanno adeus corun,
cuddintlo bhair sorot, dovrun tica jiv nasul’li mhozo nomoscar coso zo hanv
ditam Tujêa Devponnache vhoddaiec ani tea nimannea velar mhojêa sonvsarantlea
jivitachea:
Cacutsara Jesu, Tum mhoji cacut kôr.
Xekim
mhozo othmo Tujê hujir ubo zatoch polleunc poilech pavtthi rosros Tujêa
Vhoddponnacho Tum Taka pois corunacai punn Tujê vengent maka ghe, sasnnanc
hanvem Tuzo onod gavunc ani tednam maka sasonn suru zatelem tea vogtar:
Cacutsara Jesu, Tum mhoji cacut kôr.
Magnnem
Êh
Deva, Tuvem soglleam munxeanc mornachem formonn marlaim, punn lipoileai tankam
mornamchi ghoddi; nirmi hanv Tujê laguim magtam sarunc mhojê dis adarun
bhagevontponn ani nit; ani mhaka favo kôr ho sonvsar sanddunc sovostkaien borea
ontoscornache ani venguent Tujêa mogache, amchea Dhonia Jesu Christachea puneam
pasun, Zo Tujêa sangatac jieta ani Rajvott choloita ekvottan Dev Spirit
Santachea. Oxem Zanv.
Onbhavarti Converter Zaunk
Ankvar Moriêk Magnnem
Tujêa
boleponnacher patieun, amkam adar dite Maiê, Tum Kakutichi Mai ani patkeancho
Asro dekhun, amim Tujê lagim magtam Igorjê Matêchea gopa bhair jiêteliancher
Tuji nodor poddum mhonn.
Kitle
onbhavarti asat borea kallzache, durbollancho mog udar kallzan kortele, Devan
Soth ugddapem kelam tem kallzant than sodtele, pun tankam hem Soth mellona;
tankam niz somzonni ditolo konn nam, ani Catolk Igroz mhunntoch, ‘adbanche sangnnem’, te somzonni nastana,
ang kaddtat, ani niza bhavartachea bondra bhair zoupotat, punn ugddas kôr Maiê,
te-i otme Tujêa Putran Aplea Rogtan soddoileat mhonn. Amim aiz Tujê lagim
magtam, hea Niza Bhavarta bhair anik dusre patkant jiêtat team otmeam pasun. Ankvari
Maiê, Tuka “Zannvaiêchea Thikanna” mhonn amim pachartam, tor heam amchea
koddsorleleam bhavanchi mot uzvaddai, ani bhuzvonn ditim Sotham amchea
Bhavartachim tanche motint ani callzant rigoxim kôr. Maiê Mogache, mellun ghê
soggle othme Jesun Aplea Rogtan soddoiliat te ekttaim zavunk Curpecheam ani
Mogacheam bandpasamnim, he porim veginch zavunk Êkuch Hindd ani Êkuch Rakhnnô. OXEM
ZANV.
Vakhann’ni Devak
(Vakhann’ni Devak,
faikponn diuncheak devninda ani bosttaunehcea uloneam pasot)
Sodoiv
zaum Dev,
Sodoiv
zaum Devachem Bhou Povitr Nanv,
Sodoiv
zaum Jesu, Niz Dev ani Niz Monis,
Sodoiv
zaum Jesuchem Nanv,
Sodoiv
zaum Jesuchem Bhou Povitr Calliz,
Sodoiv
zaum Jesuchem Bhou Amolik Rogot,
Sodoiv
zaum Jesu, Bhou Povitra Sacramentant Altaravelea,
Sodoiv
zaum Dev Spirit Sant Buzvonndar,
Sodoiv
zaum Vhodd Devachi Mai, Bhou Bhagivont Maria,
Sodoiv
zaum Mariêcho Povitr ani Khotavinn Conseisanv,
Sodoiv
zaum Mariechem Onondvont Asum’sanv,
Sodoiv
zaum Mariechem Nanv, Ji vortouta Ankvar ani Mai,
Sodoiv
zaum Bhagivont José, Mariêcho Bhou Nirmoll Poti,
Sodoiv
zaum Dev, Tacheam Bhoddveam ani Bhoktam thaim.
Jesuchea Callzachi Ladain
Part I
Dhonia
amchi kakut kôr, Dhonia amchi kakut kôr.
Christa
amchi kakut kôr, Christa amchi kakut kôr.
Dhonia
amchi kakut kôr, Dhonia amchi kakut kôr.
Christa
amkam aik, Christa doien amkam aik.
Deva
Sorginchea Bapa, amchi kakut kôr.
Deva Putra sonvsarachea Sorvondara, amchi kakut kôr.
Deva
Spirita Santa, amchi kakut kôr.
Santism
Trinidadi, Êkleach Deva, amchi kakut kôr.
Jesuchea Callza, Sasnanchea
Bapachea Putra, amchi kakut kôr.
Jesuchea Callza, Ankvar Maiêchea
kuxint
Deva Spirita
Santan goddlelea, amchi kakut kôr.
Jesuchea Callza, Dev Putra lagim
Soimbinch ekvott’lelea, amchi kakut kôr.
Jesuchea Callza, Ogonnit
Dobajiachea, amchi kakut kôr.
Jesuchea Callza, Bhagivont Dev-Templa, amchi kakut kôr.
Jesuchea Callza, Sorvesporachea
Thikanna, amchi kakut kôr.
Jesuchea Callza, Devachea Ghora
ani Sorginchea Darvonthea,
amchi kakut kôr.
Jesuchea Callza, Dev- Mogachea
Zolltea Agttea, amchi kakut kôr.
Jesuchea Callza, Nitichea ani
Mogachea Aidona, amchi kakut kôr.
Jesuchea Callza, Bolleponnan ani
Mogan Bhorlelea, amchi kakut kôr.
Jesuchea Callza, Sorv Xegunnanchea
Thav naslelea Sagora, amchi kakut kôr.
Jesuchea Callza, Sorv Onod favo
zalelea, amchi kakut kôr.
Jesuchea Callza, Somest
Callzanchea Dhonia ani Maza, amchi kakut
kôr.
Jesuchea Callza, Zantun asat
Zanntikaie ani Zannvaiechim
Sorv Bandaram, amchi kakut kôr.
Jesuchea Callza, Zantun vosta
soglli Devponnachi bhorti, amchi kakut
kôr.
Jesuchea Callza, Zaka Dev-Bap
Sogloch manoula, amchi kakut kôr.
Jesuchea Callza, Zachi bhorti amim
Somest bhogtanv, amchi kakut kôr.
Jesuchea Callza, Sasnancheam
Dongranchea Otrega, amchi kakut kôr.
Jesuchea Callza, Sosnnikaechea ani
Ogonit Kakutichea, amchi kakut kôr.
Jesuchea Callza, Somestank Tuka ulo
marteleam thaim giresta,
amchi
kakut kôr.
Jesuchea Callza, Jivitachea ani
Bhagivontponnache Zhori, amchi kakut kôr.
Contd… as Part II
Jesuchea Callzachi Ladain
Part II
Jesuchea Callza, Amchea patkamchea
farikponna, amchi kakut kôr.
Jesuchea Callza, Okmananim bharim
bhorlelea, amchi kakut kôr.
Jesuchea Callza, Amcheam
khotteponnam pasot khontiborit zalelea,
amchi kakut kôr.
Jesuchea Callza, Moro porian
khaltem zalelea, amchi kakut kôr.
Jesuchea Callza, Balean
vidarlelea, amchi kakut kôr.
Jesuchea Callza, Sorv Buzvonneche
Zhori, amchi kakut kôr.
Jesuchea Callza, Amchea Jivita ani
Jivontponna, amchi kakut kôr.
Jesuchea Callza, Amchea Sovosta
ani Somadona, amchi kakut kôr.
Jesuchea Callza, Patkeanche Bolie, amchi kakut kôr.
Jesuchea Callza, Tujêr
Patieteleanchea Salvasanvam, amchi kakut
kôr.
Jesuchea Callza, Tujê Thaim
morteleanchea Borvanxea, amchi kakut kôr.
Jesuchea Callza, Somestam Bhagivontanchea
Dadosponna, amchi kakut kôr.
DEVACHÊ XELLIÊ, sonvsarachim
patkam kaddtele, amkam bhogos Saiba.
DEVACHÊ XELLIÊ, sonvsarachim
patkam kaddtele, doien amkam aik Saiba.
DEVACHÊ XELLIÊ, sonvsarachim
patkam kaddtele, amchi kakut kôr.
V. Jesu, Bollia ani Nennttuvaiechea Callzachea,
R. Kôr amchem calliz,
Tujêa Callza sarkem.
Prarthum-ia
Sorvespora ani Sasnanchea Deva, nodor ghal
Tujêa bhou pritivont Putrachea Callzaver ani porkonnda ani farikponnaver, jim
patkiam pasun Tannem Tuka bhettoilint ; ani Tuji Kakut magteleank
bogsonnem di, thonddavun Nanvan Teach Tujêa Cristachea, Zo Tujêa sangata jieta
ani Rajvott choloita, Deva Spirita Santachea ekvottan, sasnanchea sasnank. OXEM ZANV.
Jesuchea Povitra Ani
Ankvar Moriêchea
Khotavinn Kallzak
Consagrasavancho Akt
Part 1
Mha Dulloba Jesu,
monxakullachea Soddvondara, Tujê mukhar amim sorpottlolim asanv, amcher Tuji
doiall nodor ghal. Amim Tujim ani Tujinch amim zaunk sodhtanv; ponn thir
bandpasamni amcho êkvott Tujêa kodde korcheak, aichea disa, amche bhitorlo zonn
êklo khoxe monan Tujêa bhov Povitra Kallzak apnnachi bhett korta.
Sabar monxamni
Tuka kedinch ollkhunk nam; sabar monxamni Tujêam upordesanchi beporva korun,
Tuka patt voll’lea. Êh Bhou Doialla Jesu, hanche ani tanche churchure korun,
tankam somestank Tujêa Povitra Kallza thaim oddun hadd, Tujê sorxilim kedinch
koddsorunknant team bhavartheanchoch nhoi ponn Tuka sanddun geleant team
bhurgeancho porian Tum Patxai za. Dolldirponnan ani upasamni tim morona
zauncheak veginch tim Bapachea ghora portoxim kôr. Apunuch fôttoun, chukinim
jiêtat tanchoi Tum Patxai za. Tim soglim êkuch hindd ani êkuch Gonvlli zanvchea
pasun tankam sogleank sotachea bondrak ani bhavarthachea êkvottak portim apoun
hadd.
Saiba, Tujê
Povitr Igorj Matêk sogleam vignantli nivar ani oddchonneam meklli korun Tika
sotea di; sogleam porzank sovostai ani êkttar di, sonvsarache êke ximer than
dusre ximer porian êkuch sobd sadonk nirmi, soddovonn haddlea tem Dev Kalliz
sodoiv zaum. Onod ani Man Taka sasnanchea sasnank. AMEN.
Contd … as Part 2
Jesuchea Povitra Ani
Ankvar Moriêchea
Khotavinn Kallzak
Consagrasavancho Akt
Part 2
Povitr Ruzariche Ranniê
ani monxakullache Mogall Maiê, Povitr Kallzache aundde bhagoi ani Tujêa
Putrachea Vigara khatir amchi ani amchea kuttumbanchi bhett Tujêa Khotavinn
Kallzak kortanv ani sogleam kuttumbam pasot magtanv. Amchi bhett Tum mandun ghê
Mogall Maiê ani Tujêo iêuzonneo sonvsarant xarti pavounk amkam vapor.
Sorga ani
sonvsarache Maiê, amcher Jesuchea Kallza borobor Tuji amcher Rajvott choloi.
Atanchea vaitt onbhavarthponnantle, amkam nivar amcheam kallzamni ani
kuttumbanim nirmoll ponnacho mog pettoi ani Cristi jivit vaddoi, atme zoddchi
ani kuttumbachea bhagivontponnachi hurba di. Vhode visvasan, Tujê Kurpechea
Trona mukhar amim Nirmoll Maiê iêtanv; teach Deivik ujêant amkam ulpai.
Amchim kallzam
ani kuttumbam Tujim mondiram kôr ani Jesuchea Kallzachem Raj sonvsarantlea dor
kuttumbant zoitivont zaixem kôr.
Jesuchea ani Moriêchea Kallzank Man ani Onod mellum
sasnanchea sasnank. AMEN.
Magnnem
Ogonit bolleponanchea Jesu,
monxea-kulacho Tuvem itlo Mog keloi ani tannem Tujo Mog korcheak, itlem keleim
astanam koxem goddta zait ki Tujo itlo thoddo mog korunk? Hanv punn hea
onupkariam monxeantlo zaunchonam; mhaka khoxi Tujo Mog korcheak sogllea mhojêa
kallzan than ani moro poriant. Di Saiba, mhaka hi kurpa Tujêa Bhagivonti
Maiêchea mozotin. AMEN.
Têrs Jesuchea Callzac
(Jhelo Panch Khonnancho)
Khursar contachea
Christachea Othmea, Bhagivont mhaka kôr
Christachea Kuddi, Salvar mhaka kôr
Christachea Rogta, Sontosborit mhaka kôr
Christachea Koddvollachea Udka, Nirmoll mhaka kôr
Christachea Koxttando, Ghottai
mhaka diat.
Êh
Mhojêa Jesu doien mhaka aik, Tujêam Povitr Ghaiamnim mhaka lipoi, nirmi naka
Tujê sorxilo hanv koddsorunk, deuncharachea khotteponnantlo mhaka nivar. Mhojêa
mornanchea vogtar mhaka pav ani Tujê sorxim mhaka apoun vhor, Tujêa Bhagivontanchea
sangata Tuka vakand’dunk sasnnanchea sasnnank. Oxem Zanv.
Motteam foddeancher (1 pautt)
V. Bollea ani nenttuvaiechea Callza
Jesuchea.
R. Kôr mhojêm kalliz, Tujêa Callza sarkem.
Daktteam foddeancher (10 pauttim)
V. Dulloba Callza Jesuchea.
R. Za Tum mhojo mog.
Dor khonn somptoch (1 pautt)
V. Dulloba Callza Moriêchea.
R. Za Tum mhojêm salvasanv.
Panch khonn somptoch (xevttim 1 pautt mhunn)
Povitra
Callza Jesuchea, Tum amche churchure kôr.
Khotavinn
Callza Moriêchea, amche pasun vinoti kôr.
CHOTRAI:
Jesuchea
Callzac Têrs kortana khala dil’lea intensavam pasot panch khonn bhettoi:
1. Poilo Khonn: Herezinchea ani onbavarteanchea okmanam
pasot farikponn diuncheak.
2. Dusro Khonn: Christavam porim jieunastanam Devak okman
kortat tanchea farikponna pasot.
3. Tisro Khonn: Aminch zonn êklo Devak okman kortat tachea
farikponna pasot.
4. Chouto Khonn: Amchi kallzam
Moriêchea Khotavinn Callza sangata Jesuchea Dulloba Callzak bhettounk.
5. Panchvo Khonn: Kurpa magunk, êka
Sompurnaechea Mogachi Jesuchea Povitra Callzak ani otreg somestanchea boreak
vaurunk.
Mhoinneachea Poilea Sonvarachi Bhokti
